പൊടുന്നനെ ലോകത്ത് കുട്ടികൾ ജനിക്കുന്നത് നിന്നാൽ മനുഷ്യ രാശിക്ക് എന്ത് സംഭവിക്കും?

ലോകത്ത് കുട്ടികൾ ജനിക്കുന്നത് പെട്ടന്നു നിന്നാൽ മനുഷ്യ രാശിക്ക് എന്ത് സംഭവിക്കും? പലരുടെയും മനസിൽ ഒരുപോലെ കൌതുകവും ആശങ്കയും നിറയ്ക്കുന്ന ചോദ്യമായിരിക്കും ഇത്. എന്നാൽ ഈ ചോദ്യത്തിന് ഉത്തരം കണ്ടെത്തിയിരിക്കുകയാണ് ഒരുകൂട്ടം ശാസ്ത്രഞ്ജർ. ലോകമെമ്പാടും കുട്ടികൾ ജനിക്കുന്നത് പെട്ടെന്ന് നിലയ്ക്കുന്നത് ഒരു നൂറ്റാണ്ടിനുള്ളിൽ മനുഷ്യ നാഗരികതയെ വംശനാശത്തിലേക്ക് തള്ളിവിടുമെന്ന് ശാസ്ത്രജ്ഞർ പറയുന്നു. അന്തിമമായ അവസാനം 100 വർഷത്തിന് ശേഷമാണെങ്കിലും പുതിയ തലമുറകളുടെ അഭാവത്തിൽ പ്രധാന സാമൂഹിക, സാമ്പത്തിക വ്യവസ്ഥകളുടെ തകർച്ച വളരെ നേരത്തെ തന്നെ ആരംഭിക്കുമെന്നും ശാസ്ത്രഞ്ജർ പറയുന്നു.