ശെടാ! ടെലിവിഷൻ ലൈവിനിടെ അവതാരകയുടെ ഡെസ്‌കില്‍ നായ വിസർജിച്ചു

തത്സമയ വാര്‍ത്താ അവതരണത്തിനിടെ അവതാരകയുടെ ഡെസ്‌കില്‍ കയറി വിസര്‍ജിച്ച് നായ. ബൊളീവിയയിലെ ഒരു ചാനല്‍ ആസ്ഥാനത്താണ് സംഭവം നടന്നത്. തെരുവ് നായകളെ ദത്തെടുക്കുന്നത് പ്രോത്സാഹിപ്പിക്കുന്നതുമായി ബന്ധപ്പെട്ടുള്ള വാര്‍ത്താ അവതരണത്തിനായി എത്തിച്ച നായയാണ് ഡെസ്കിൽ വിസര്‍ജിച്ചത്. ഇതിന്റെ വീഡിയോ സോഷ്യല്‍ മീഡിയയില്‍ വൈറലായതോടെ നിരവധി പേര്‍ കമന്റുമായി എത്തുകയും ചെയ്തു.ഡെസ്‌കില്‍ ഒരു നായയുമായി അവതാരക ഇരുന്ന് വാര്‍ത്ത വായിക്കുന്നതാണ് വീഡിയോയില്‍ ആദ്യം കാണിക്കുന്നത്. പ്രേക്ഷകരോട് അനാഥരായ നായ്ക്കളെ ദത്തെടുക്കണമെന്നാണ് അവതാരക പറഞ്ഞുകൊണ്ടിരുന്നത്. അപ്പോഴാണ് എല്ലാവരെയും ഞെട്ടിപ്പിച്ച് നായ ഡെസ്‌കില്‍ വിസര്‍ജിച്ചത്.