മാതൃവാത്സല്യത്തോടെ യുവതികളെ അഞ്ച് മിനിറ്റ് ആലിം​ഗനം ചെയ്യുന്നതിന് പുരുഷന്മാർക്ക് ചാർജ് 600 രൂപ

ചൈനയിൽ വിചിത്രവും എന്നാൽ രസകരവുമായ ഒരു പ്രവണതയാണ് ഇപ്പോൾ വൈറലായിക്കൊണ്ടിരിക്കുകയാണ്. സമ്മർദ്ദത്തിൽ നിന്ന് മോചനം ലഭിക്കാൻ ഇവിടത്തെ യുവതികൾ പണം നൽകി പുരുഷന്മാരെ കെട്ടിപ്പിടിക്കുകയാണ്. ഒരു ആലിംഗനത്തിന് പെൺകുട്ടികൾ ഏകദേശം 20 മുതൽ 50 യുവാൻ വരെയാണ് (അതായത് 240 രൂപ മുതൽ 600 രൂപ ) നൽകുന്നത്. മാതൃവാത്സല്യം നൽകുന്നപ്പോലെ പുരുഷന്മാർ ആലിം​ഗനം ചെയ്യുന്നതിനാണ് യുവതികൾ പണം നൽകുന്നത്. ആലിംഗന സമയം 5 മിനിറ്റ് മാത്രമാണ്. ജോലി സമ്മർദ്ദമോ പഠന സമ്മർദ്ദമോ മറികടക്കാൻ പല പെൺകുട്ടികളും ഈ സേവനങ്ങൾ ഉപയോഗിക്കുന്നു.