ഗർഭിണിയായ പൂച്ച വാഹനമിടിച്ച് ചത്തു; അമ്മയ്ക്കൊപ്പം മരിക്കേണ്ടിയിരുന്ന 4 കുഞ്ഞുങ്ങളെ ജീവനോടെ പുറത്തെടുത്ത് യുവാവ്

കൊടുങ്ങല്ലൂർ: കഴിഞ്ഞ ദിവസം ദേശീയപാതയിൽ വാഹനമിടിച്ച് ചത്ത ഗർഭിണിയായ ആ അമ്മ പൂച്ചയോടൊപ്പം നാലു കുഞ്ഞുങ്ങളും മരിക്കേണ്ടതായിരുന്നു. എന്നാൽ ആ കുഞ്ഞുങ്ങളുടെ വിധി മറ്റൊന്നായിരുന്നു. പൂച്ചയുടെ വയറ്റിൽ നിന്നും നാല് ജീവനുകളെ ഹരിദാസ് എന്ന യുവാവ് പുറത്തെടുത്തു. മതിലകം തൃപ്പേക്കുളം സ്വദേശിയാണ് ഹരിദാസ്.  ചത്ത പൂച്ചയെ സിസേറിയൻ നടത്തിയാണ്  കുഞ്ഞുങ്ങളെ പുറത്തെത്തെത്തിച്ചത്. കുഞ്ഞുങ്ങൾ ഇപ്പോൾ ഹരിദാസിന്റെ വീട്ടിൽ സുരക്ഷിതമായി കഴിയുന്നുണ്ട്.