സുരേഷ് ഗോപിക്ക് ഒരു സ്നേഹസമ്മാനം; ദുബായ് കിരീടാവകാശിയുടെ സമ്മാനപൊതിക്കുള്ളിൽ ഒരു റോളക്‌സ്‌ വാച്ച്

എങ്കിൽ ഈ ഔദ്യോഗിക സന്ദർശനവേളയിൽ തന്നെ സ്വീകരിച്ച കേന്ദ്രമന്ത്രി സുരേഷ് ഗോപിക്ക് ഒരു സ്നേഹസമ്മാനം നൽകിയ ശേഷം മാത്രമാണ് ദുബായ് കിരീടാവകാശി മടങ്ങിയത്. ആ സമ്മാനപൊതിക്കുള്ളിൽ ഒരു വിലയേറിയ റോളക്സ് വാച്ചായിരുന്നു. ഇതിന്റെ വില എത്രയെന്നു പുറത്തുവന്നിട്ടില്ല. സുരേഷ് ഗോപിയുടെ ഫാൻ പേജ് വഴിയാണ് വാച്ചിന്റെ വിവരം എത്തിച്ചേർന്നിട്ടുള്ളത്.

പ്രധാന അന്താരാഷ്ട്ര പങ്കാളികളുമായി തന്ത്രപരമായ സഖ്യങ്ങൾ കെട്ടിപ്പടുക്കുന്നതിനുള്ള യുഎഇ നേതൃത്വത്തിന്റെ പ്രതിബദ്ധത അടിവരയിടുന്നതായിരുന്നു ഈ സന്ദർശനം. ഈ സന്ദർശനത്തിന്റെ ദൃശ്യങ്ങൾ ദുബായ് കിരീടാവകാശി അദ്ദേഹത്തിന്റെ എക്സ് അക്കൗണ്ടിലൂടെ പങ്കിട്ടിരുന്നു. ഔദ്യോഗിക തിരക്കുകൾ ഒഴിഞ്ഞ വേളയിൽ അടുത്ത ചിത്രം 'ഒറ്റക്കൊമ്പൻ' ചിത്രീകരണവുമായി സുരേഷ് ഗോപി തിരക്കിലാണ്. രണ്ടുദിവസങ്ങൾക്ക് മുൻപ് പാലാ കുരിശുപള്ളി മുറ്റത്ത് സുരേഷ് ഗോപിയും കബീർ ദുഹാൻ സിങ്ങും ചേർന്ന സംഘട്ടന രംഗം ചിത്രീകരിച്ചിരുന്നു. ഈ സെറ്റിൽ സംവിധായകൻ മാത്യൂസിനെ അനുഗ്രഹിക്കാൻ 'സ്ഫടികം' സിനിമയുടെ ശില്പി ഭദ്രൻ എത്തിച്ചേർന്നിരുന്നു.