Woman gave birth to seven children | ഗർഭിണിയായപ്പോൾ ഡോക്ടർമാർ പറഞ്ഞത് അഞ്ച് കുട്ടികളെന്ന്; പ്രസവിച്ചപ്പോൾ ഏഴ്!

പാക്കിസ്ഥാനിലെ അബോട്ടാബാദ് നഗരത്തിലാണ് യുവതി താമസിക്കുന്നതെന്ന് സമാ ടിവി റിപ്പോർട്ട് ചെയ്യുന്നു. ഇവിടെയുള്ള ജിന്ന ഇന്റർനാഷണൽ ആശുപത്രിയിൽ ചികിത്സയിലായിരുന്നു യുവതി. യാർ മുഹമ്മദ് എന്നയാളുടെ ഭാര്യയാണ് യുവതി. "ഭാര്യ ഗർഭിണിയായപ്പോൾ, പരിശോധനയിൽ അവൾക്ക് ഒന്നിലധികം കുട്ടികളുണ്ടെന്ന് ഡോക്ടർ പറഞ്ഞിരുന്നു. പക്ഷേ അവൾക്ക് ഏഴ് കുട്ടികളുണ്ടെന്ന് അറിയില്ലായിരുന്നു," അദ്ദേഹം പറഞ്ഞു.

ഭാര്യയുടെ ആരോഗ്യനില വഷളായതിനെ തുടർന്ന് ആശുപത്രിയിൽ പ്രവേശിപ്പിച്ചതായി യാർ മുഹമ്മദ് പറഞ്ഞു. യുവതിയുടെ ഉദരത്തിൽ അഞ്ച് കുട്ടികളുണ്ടെന്ന് അൾട്രാസൗണ്ട് റിപ്പോർട്ട് വ്യക്തമാക്കി. തുടർന്ന് യുവതിക്ക് ശസ്ത്രക്രിയ നടത്താൻ തീരുമാനിച്ചു. പിന്നീട് ആ സ്ത്രീ ശസ്ത്രക്രിയയ്ക്ക് വിധേയയായപ്പോൾ അവൾ ഓരോന്നായി ഏഴ് കുട്ടികളെ പ്രസവിച്ചു. സ്ത്രീയുടെയും കുട്ടികളുടെയും നില തൃപ്തികരമാണെന്നാണ് വിവരം.

ആ യുവതി ആശുപത്രിയിൽ വന്നപ്പോൾ, ഏകദേശം എട്ട് മാസം ഗർഭിണിയായിരുന്നതായും രക്തസമ്മർദ്ദം ഭയാനകമായ തോതിൽ ഉയർന്നിരുന്നതായും അവളുടെ വയറും വളരെ വീർത്തതാണെന്നും ഡോക്ടർമാർ പറഞ്ഞു. ഓപ്പറേഷനായി അടിയന്തിരമായി തയ്യാറെടുപ്പുകൾ നടത്തി, യുവതിയുടെ സിസേറിയൻ ശസ്ത്രക്രിയ ഏകദേശം ഒരു മണിക്കൂറോളം നീണ്ടുനിന്നു. ഗർഭം ധരിക്കുന്നതിനുള്ള ഫെർട്ടിലിറ്റി ചികിത്സയുടെ ഭാഗമായി കഴിക്കുന്ന മരുന്നുകളുടെ ഫലമായി ഒന്നിലധികം ഭ്രൂണങ്ങൾ ഉണ്ടാകാമെന്ന് ഡോക്ടർമാർ പറയുന്നു. എന്നാൽ ഈ കേസിൽ അങ്ങനെ സംഭവിച്ചോയെന്ന കാര്യം വ്യക്തമല്ലെന്നാണ് ആശുപത്രി അധികൃതർ പറയുന്നത്.

Also Read- Communication In Relationships | പങ്കാളിയുമായി മികച്ച ബന്ധം എങ്ങനെ നിലനിർത്താം? സംസാരിക്കുമ്പോൾ ശ്രദ്ധിക്കേണ്ട കാര്യങ്ങൾ

ഗ്രെഗ് പീറ്റേഴ്സിന്റെയും കാമുകി അന ലെഡ്ഗാറിന്റെയും കഥ ഒരു സിനിമാക്കഥ പോലെയാണ്. ഏറെ കാലമായി പ്രണയത്തിലായിരുന്നു ഇരുവരും. ജീവനേക്കാൾ ഇരുവരും പരസ്പരം പ്രണയിച്ചിരുന്നു. കുടുംബാംഗങ്ങൾ ഇരുവരുടെയും ബന്ധത്തെ ഏറെ പിന്തുണച്ചിരുന്നു. എന്നിരുന്നാലും, അത് ജീവിതകാലം മുഴുവൻ നിലനിൽക്കാനുള്ള വിധി ഇരുവർക്കും ഉണ്ടായില്ല. ഏറെ കാലത്തെ പ്രണയത്തിനൊടുവിൽ ഇരുവരും വിവാഹം കഴിക്കാൻ തീരുമാനിച്ചു. എന്നാൽ വിവാഹത്തിന് തൊട്ടുമുമ്പ്, അന്ന വലിയൊരു അപകടത്തിൽപ്പെട്ടു. അത്യാസന്ന നിലയിൽ ആശുപത്രിയിലെ ഐസിയുവിൽ കിടക്കുമ്പോൾ ഇനിയൊരു മടങ്ങി വരവ് ഉണ്ടാകില്ലെന്ന് ഡോക്ടർമാർ ഗ്രെഗ് പീറ്റേഴ്സിനെ അറിയിച്ചിരുന്നു. ഈ സാഹചര്യത്തിൽ അവളുടെ കാമുകൻ ചെയ്തത് ധീരോദാത്തമായ ഒരു കാര്യമായിരുന്നു. മരണത്തിന് തൊട്ടുമുമ്പ് ഐസിയുവിൽവെച്ച് തന്നെ ഗ്രെഗ് അന്നയെ മിന്നുകെട്ടി.

എന്നാൽ അവിടംകൊണ്ട് അവസാനിച്ചില്ല, അവരുടെ പ്രണയത്തിന്‍റെ മഹത്വം. അന്നയുടെ കുടുംബത്തിന്റെയും ഗ്രെഗിന്റെയും സമ്മതത്തോടെ അന്നയുടെ ആറു അവയവങ്ങൾ ദാനം ചെയ്തു. 'ഇത് ഒരു നിയമപരമായ വിവാഹമായി കണക്കാക്കാനാകില്ലെന്ന് ഗ്രെഗ് പറയുന്നു, പക്ഷേ ഞാൻ എന്റെ സ്വന്തം മോതിരം അവളുടെ വിരലിൽ ഇട്ടു, അവളെ ഞാൻ എന്‍റെ ഭാര്യയായി കണക്കാക്കുന്നു'- ഗ്രെഗ് പീറ്റേഴ്സ് പറഞ്ഞു.