സൗത്ത് ഏഷ്യൻ യൂണിവേഴ്സിറ്റിയിൽ ബിരുദാനന്തരബിരുദം/ ഗവേഷണം; ഇപ്പോൾ അപേക്ഷിക്കാം

വിദ്യാർത്ഥികളിൽ ദക്ഷിണേഷ്യൻ അവബോധം വളർത്തിയെടുക്കുകയെന്ന ലക്ഷ്യത്തോടെ സ്ഥാപിതമായ യൂണിവേഴ്സിറ്റിയിലെ വിവിധ വിഷയങ്ങളിൽ മാസ്റ്റേഴ്സ്, പിഎച്ച്ഡി ലെവൽ പ്രോഗ്രാമുകൾക്ക് ഇപ്പോൾ അപേക്ഷിക്കാം. അപേക്ഷിക്കാനുള്ള അവസാന തീയതി,  മാർച്ച് 31 ആണ്. പ്രവേശന പരീക്ഷ, ഏപ്രിൽ 29, 30 തീയതികളിൽ വിവിധയിടങ്ങളിൽ  നടക്കും. എല്ലാ അംഗരാജ്യങ്ങളിൽ നിന്നുമുള്ള യൂണിവേഴ്സിറ്റികളുടെ ബിരുദങ്ങൾ, വിവിധ വിഷയങ്ങൾക്കനുസരിച്ച് അടിസ്ഥാനയോഗ്യതയായി പരിഗണിക്കുന്നതാണ്. സാർക്ക് രാജ്യങ്ങൾക്ക് പുറത്ത് നിന്നുള്ള വിദ്യാർത്ഥികൾക്കും പ്രവേശനം നേടാൻ നിയന്ത്രണങ്ങളില്ല.സൗത്ത് ഏഷ്യൻ യൂണിവേഴ്സിറ്റിയിൽ നിന്നുള്ള ബിരുദാനന്തര ബിരുദവും ഗവേഷണ ബിരുദവും എല്ലാ സാർക്ക് രാജ്യങ്ങളും അംഗീകരിക്കുന്നു.

1.ബയോടെക്നോളജി

2.കമ്പ്യൂട്ടർ സയൻസ്

3.സാമ്പത്തികശാസ്ത്രം

4.അന്താരാഷ്ട്ര ബന്ധങ്ങൾ

5.നിയമ പഠനം

6.ഗണിത ശാസ്ത്രം

7.സോഷ്യോളജി

അപേക്ഷകർക്ക് നിർദിഷ്ട യോഗ്യതാ മാനദണ്ഡങ്ങൾ പാലിക്കുന്നതിനനുസരിച്ച് അവർ / ആഗ്രഹിക്കുന്നത്രയും പ്രോഗ്രാമുകൾക്കായി രജിസ്റ്റർ ചെയ്യാവുന്നതാണ്. എൻട്രൻസ് ടെസ്റ്റ് ടൈമിംഗുകൾ നോക്കി , ഓരോ പ്രോഗ്രാമിനും പ്രത്യേകം അപേക്ഷ സമർപ്പിക്കണം. ചില വിഭാഗം പിഎച്ച്ഡി ഉദ്യോഗാർത്ഥികൾക്ക്, പ്രവേശന പരീക്ഷകൂടാതെ തന്നെ നേരിട്ട് അഭിമുഖം നടത്തി പ്രവേശനം നൽകുന്നതാണ്. ഇതുമായി ബന്ധപ്പെട്ട കാര്യങ്ങൾക്ക്, PhD Programs എന്ന ലിങ്കിൽ പരിശോധിക്കാവുന്നതാണ്.

South Asian University,

Rajpur Road,

Maidan Garhi,

New Delhi 110068

011 20863540