COVID 19| കേരളത്തിൽ നാലു പേര്ക്കു കൂടി രോഗം സ്ഥിരീകരിച്ചു; ഇതുവരെ രോഗം സ്ഥിരീകരിച്ചത് 485 പേർക്ക്
- Published by:Rajesh V
- news18-malayalam
Last Updated:
Four more Covid 19 cases in Kerala | 123 പേരാണ് ഇപ്പോള് ചികിത്സയിലുള്ളത്
തിരുവനന്തപുരം: സംസ്ഥാനത്ത് നാല് പേര്ക്കുകൂടി കോവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു. കണ്ണൂരില് മൂന്നുപേര്ക്കും കാസർഗോഡ് ഒരാള്ക്കുമാണ് രോഗം സ്ഥിരീകരിച്ചത്. പോസിറ്റീവായ രണ്ടുപേര് വിദേശത്തുനിന്നു വന്നതാണ്. രണ്ടുപേര്ക്ക് സമ്പര്ക്കത്തിലൂടെയാണ് രോഗബാധയുണ്ടായത്. കണ്ണൂരിൽ രണ്ടുപേരും കാസർഗോഡ് രണ്ടുപേരും ഉൾപ്പെടെ നാലുപേര് രോഗമുക്തി നേടി.
കേരളത്തിൽ ഇതുവരെ 485 പേര്ക്കാണ് ആകെ രോഗം സ്ഥിരീകരിച്ചത്. 123 പേരാണ് ഇപ്പോള് ചികിത്സയിലുള്ളത്. 20,773 പേരാണ് സംസ്ഥാനത്ത് ആകെ നിരീക്ഷണത്തിലുള്ളത്. വീടുകളില് 20,255 പേര് നിരീക്ഷണത്തില് കഴിയുന്നുണ്ട്. 518 പേരാണ് ആശുപത്രിയില് നിരീക്ഷണത്തില് കഴിയുന്നത്. ഇന്ന് 151 പേരെ ആശുപത്രിയില് പ്രവേശിപ്പിച്ചു. ഇതുവരെ 23,980 സാമ്പിള് പരിശോധനയ്ക്ക് അയച്ചു. 23,277 എണ്ണം രോഗബാധയില്ലെന്ന് ഉറപ്പാക്കിയിട്ടുണ്ടെന്നും മുഖ്യമന്ത്രി അറിയിച്ചു.
BEST PERFORMING STORIES:ഒന്നല്ല, രണ്ടുമാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുമെന്ന് കോൺഗ്രസുകാരനായ അധ്യാപകൻ[NEWS]കേരളത്തിൽ ചിലയിടങ്ങളിൽ കനത്ത മഴയ്ക്ക് സാധ്യത; വിവിധ ജില്ലകളിൽ മഞ്ഞ അലർട്ട് [NEWS]ദുരൂഹത നിറച്ച് കിം ജോംഗ് ഉന്നിന്റെ തിരോധാനം: മരിച്ചെന്നും ജീവച്ഛവമായെന്നുമുള്ള തരത്തിൽ റിപ്പോര്ട്ടുകൾ [NEWS]
ആരോഗ്യപ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ളവര് എന്നിങ്ങനെ മുന്ഗണന ഗ്രൂപ്പില്നിന്ന് 875 സാമ്പിള് ശേഖരിച്ച് പരിശോധിച്ചു. ഇതില് 801 എണ്ണം നെഗറ്റീവാണ്. ഇന്നലെ 3101 സാമ്പിളുകള് ലാബുകളില് പരിശോധിച്ചു. 2682 സാമ്പിളുകള് നെഗറ്റീവാണ്. മൂന്നെണ്ണമാണ് പോസിറ്റീവായത്. 391 റിസള്ട്ട് വരാനുണ്ട്. 25 സാമ്പിളുകള് പുനഃപരിശോധനയ്ക്ക് അയച്ചിട്ടുണ്ട്. ആരുടെയൊക്കെയാണോ ഫലം പോസിറ്റീവായത് അവരെ കണ്ടെത്തി ആശുപത്രിയിലാക്കിയിട്ടുണ്ട്. ഈ ഫലങ്ങള് ഒന്നുകൂടി ഉറപ്പുവരുത്താനുള്ള നടപടിയും സ്വീകരിക്കുമെന്നും മുഖ്യമന്ത്രി പറഞ്ഞു.
advertisement
കേരളത്തില് ഏറ്റവും കൂടുതല് കേസുകള് റിപ്പോര്ട്ട് ചെയ്തത് കാസർഗോഡാണ്. ഇതുവരെ 175 കേസുകളാണ് ഇവിടെനിന്ന് റിപ്പോര്ട്ട് ചെയ്തത്. കാസർഗോഡ് ജനറല് ആശുപത്രിയില് ഇതുവരെ 85 രോഗികളെ ചികിത്സിച്ച് ഭേദമാക്കിയിട്ടുണ്ട്. അവസാനത്തെ രോഗിയെയും ഇന്ന് ഡിസ്ചാര്ജ് ചെയ്തു. 200 പേരടങ്ങുന്ന ഡോക്ടര്മാര് അടക്കമുള്ള ആരോഗ്യപ്രവര്ത്തക സംഘത്തെ അഭിനന്ദിക്കുന്നുവെന്നും മുഖ്യമന്ത്രി പറഞ്ഞു.
Location :
First Published :
Apr 28, 2020 6:09 PM IST
മലയാളം വാർത്തകൾ/ വാർത്ത/Corona/
COVID 19| കേരളത്തിൽ നാലു പേര്ക്കു കൂടി രോഗം സ്ഥിരീകരിച്ചു; ഇതുവരെ രോഗം സ്ഥിരീകരിച്ചത് 485 പേർക്ക്
