ഡ്രൈവിങ് പരിശീലനത്തിനിടെ സ്ക്രൂ ഡ്രൈവർ ഉപയോഗിച്ച് മർദിച്ച പരിശീലകയ്ക്കെതിരെ കേസ്

ര​ണ്ടാ​ഴ്​ച മു​മ്പാ​ണ് ഷം​ന ഡ്രൈ​വിം​ഗ് പഠ​ന​ത്തി​ന് ആശ്രാമത്തെ ഒരു ഡ്രൈവിങ് സ്കൂളിൽ ചേർ​ന്ന​ത്. തു​ട​ക്കം മു​തൽ ഇൻ​സ്​ട്ര​ക്ട​റാ​യ ഷൈമ ഡ്രൈവിം​ഗ് പഠ​ന​ത്തി​നി​ടെ ഷം​ന​യെ ഉ​പ​ദ്ര​വി​ക്കു​മാ​യി​രു​ന്നു. പഠ​ന​ത്തി​ടെ വാ​ഹ​നം ഇ​ട​ത്തേ​യ്​ക്കും വ​ല​ത്തേ​യ്​ക്കും വെ​ട്ടി​ച്ചെന്ന് പറഞ്ഞാണ് ഇൻസ്ട്രക്ടർ യുവതിയെ ഉപദ്രവിച്ചത്. പഠ​ന​ത്തി​ന്റെ ഭാ​ഗ​മെ​ന്നു ക​രു​തി ആ​ദ്യ​മൊ​ന്നും ഷം​ന അത് കാ​ര്യ​മാ​ക്കി​യി​ല്ല.

എന്നാൽ ഓരോ ദിവസവും ഉപദ്രവം കൂടി വന്നു. ഒരു ദിവസം ക്ലച്ച് അമർത്തിയില്ലെന്ന് പറഞ്ഞ് ഷംനയുടെ ഇ​ട​ത്തേ തോ​ളിൽ ഇൻസ്ട്രക്ടർ പ​ല​ത​വ​ണ​ ആ​ഞ്ഞ​ടി​ച്ചു. സ​ഹി​ക്ക​വ​യ്യാ​തെ വ​ന്ന​പ്പോൾ പൊ​ലീ​സിൽ പ​രാ​തി നൽ​കു​മെ​ന്ന് ഷം​ന പ​റ​ഞ്ഞു. പി​റ്റേ ദി​വ​സം അ​ടി കൊ​ണ്ട് തി​ണിർ​ത്ത ഭാ​ഗ​ത്ത് ബാം പു​ര​ട്ടി​ക്കൊ​ടു​ത്തു. എ​ന്നാൽ തൊ​ട്ട​ടു​ത്ത ദി​വ​സ​വും സ്​ക്രൂ ഡ്രൈവർ ഉ​പ​യോ​ഗി​ച്ച് നേ​ര​ത്തേ പ​രിക്കേൽ​പ്പി​ച്ച അ​തേ ഭാ​ഗ​ത്ത് ശക്തമായി അടിച്ചു. വേദനകൊണ്ട് പുളഞ്ഞ് ഷൈമ ഡ്രൈവിങ് പഠനം മതിയാക്കി, ആശുപത്രിയിൽ ചികിത്സതേടുകയും പൊലീസ് സ്റ്റേഷനിലെത്തി കേസ് കൊടുക്കുകയുമായിരുന്നു.

Also Read- പത്തനംതിട്ട ഓതറ പടയണിയ്ക്കിടെ മൂന്നുപേർക്ക് കുത്തേറ്റു

പ​രാ​തി പ​രി​ശോ​ധി​ച്ച പൊ​ലീ​സ് ഡ്രൈവിം​ഗ് സ്​കൂൾ ഉ​ട​മയെ സ്റ്റേ​ഷ​നിലേയ്ക്ക് വി​ളി​ച്ചു​വ​രു​ത്തി ചോ​ദ്യം ചെ​യ്​ത ശേ​ഷം കേ​സെ​ടു​ത്തു. മാ​ന​സി​ക സ​മ്മർ​ദ്ദം മൂ​ലം അ​റി​യാ​തെ സം​ഭ​വി​ച്ചു പോ​യ​തെ​ന്നാ​യി​രു​ന്നു ഇവർ പൊലീസിനോട് പറഞ്ഞത്. എന്നാൽ പൊലീസ് ഷൈമയ്ക്കെതിരെ വിവിധ വകുപ്പുകൾ ചേർത്ത് കേസെടുക്കുകയായിരുന്നു.