ഒക്ടോബർ 9ന് ശുക്രൻ കന്നിരാശിയിലേക്ക് സംക്രമിക്കുന്നു; ഈ രാശിക്കാർക്ക് പുരോഗതിയുണ്ടാകും
- Published by:meera_57
- news18-malayalam
Last Updated:
2025 ഒക്ടോബർ 9 ന്, സ്നേഹം, സൗന്ദര്യം, ബന്ധങ്ങൾ, സമൃദ്ധി എന്നിവയെ സൂചിപ്പിക്കുന്ന ഗ്രഹമായ ശുക്രൻ കന്നിരാശിയിലേക്ക് സംക്രമിക്കും
2025 ഒക്ടോബർ 9ന്, സ്നേഹം, സൗന്ദര്യം, ബന്ധങ്ങൾ, സമൃദ്ധി എന്നിവയെ സൂചിപ്പിക്കുന്ന ഗ്രഹമായ ശുക്രൻ കന്നിരാശിയിലേക്ക് സംക്രമിക്കും. ബുദ്ധിശക്തി, കാര്യക്ഷമത, കഠിനാധ്വാനം എന്നിവയെയാണ് കന്നിരാശി സൂചിപ്പിക്കുന്നത്. ഈ സംക്രമണം സ്നേഹം, ബന്ധങ്ങൾ, സൗന്ദര്യം, ജീവിതത്തിലെ സമൃദ്ധി എന്നിവയോടുള്ള നിങ്ങളുടെ വീക്ഷണത്തെ സ്വാധീനിക്കും. കന്നിരാശിയിലേക്കുള്ള ശുക്രന്റെ സംക്രമണം വ്യക്തിപരവും തൊഴിൽപരവുമായ ജീവിതം എങ്ങനെ മെച്ചപ്പെടുത്തുമെന്നും വ്യത്യസ്ത രാശിചിഹ്നങ്ങളെ ഇത് എങ്ങനെ സ്വാധീനിക്കുമെന്നും നമുക്ക് പരിശോധിക്കാം. കന്നി രാശിയിലെ ശുക്രന്റെ സംക്രമണം പുരോഗതിയെ സൂചിപ്പിക്കുന്നു, പ്രത്യേകിച്ച് വ്യക്തിപരമായ ബന്ധങ്ങൾ, ദിനചര്യ, ആരോഗ്യം എന്നിവയുടെ കാര്യത്തിൽ. നമ്മുടെ ചുറ്റുപാടുകൾ, ബന്ധങ്ങൾ, നമ്മുടെ സ്വന്തം ആരോഗ്യം എന്നിവയിൽ ശ്രദ്ധ ചെലുത്താൻ നമുക്ക് പ്രചോദനം ലഭിക്കുന്ന സമയമാണിത്. ഒക്ടോബർ 9 ന് നടക്കുന്ന ശുക്രന്റെ ഈ സംക്രമണം നിങ്ങളുടെ രാശിയെ എങ്ങനെ ബാധിക്കുമെന്ന് നോക്കാം. തയ്യാറാക്കിയത്: ചിരാഗ് ധാരുവാല
advertisement
ഏരീസ് (Arise - മേടം രാശി) മാർച്ച് 21നും ഏപ്രിൽ 19 നും ഇടയിൽ ജനിച്ചവർ: ആരോഗ്യം, ദിനചര്യ, ജോലി എന്നിവയുമായി ബന്ധപ്പെട്ട നിങ്ങളുടെ ആറാം ഭാവത്തിലൂടെയാണ് ശുക്രൻ സഞ്ചരിക്കുന്നത്. നിങ്ങളുടെ ജോലിയിൽ ക്രമീകരണം നടത്തേണ്ട സമയമാണിത്. നിങ്ങളുടെ ആരോഗ്യത്തിൽ കൂടുതൽ ശ്രദ്ധ ചെലുത്തുകയും ദിനചര്യ സന്തുലിതമാക്കുകയും വേണം. ജോലിസ്ഥലത്തെ ബന്ധങ്ങൾ മെച്ചപ്പെടും. ഈ സമയം ആരോഗ്യവുമായി ബന്ധപ്പെട്ട് എല്ലാ പ്രശ്നവും പരിഹരിക്കാൻ കഴിയും
advertisement
ടോറസ് (Taurus - ഇടവം രാശി): ഏപ്രിൽ 20നും മേയ്20നും ഇടയിൽ ജനിച്ചവർ: സ്നേഹം, കുട്ടികൾ, സർഗ്ഗാത്മകത എന്നിവയുമായി ബന്ധപ്പെട്ട നിങ്ങളുടെ അഞ്ചാം ഭാവത്തിലൂടെ ശുക്രൻ സഞ്ചരിക്കുന്നു. നിങ്ങളുടെ പ്രണയ ബന്ധങ്ങളിൽ സന്തുലിതാവസ്ഥയും ഐക്യവും കൊണ്ടുവരേണ്ട സമയമാണിത്. ഈ സംക്രമണ സമയത്ത്, നിങ്ങൾക്ക് നിങ്ങളുടെ പങ്കാളിയുമായി സമയം ചെലവഴിക്കാനും നിങ്ങളുടെ വികാരങ്ങൾ നന്നായി പങ്കിടാനും കഴിയും. കലാപരമായ പ്രവർത്തനങ്ങളിൽ നിങ്ങൾക്ക് വിജയം കൈവരിക്കാൻ കഴിയും. കുട്ടികളുമായി ബന്ധപ്പെട്ട കാര്യങ്ങളിലും നേട്ടങ്ങൾ ലഭിച്ചേക്കാം
advertisement
ജെമിനി (Gemini - മിഥുനം രാശി: മെയ് 21 നും ജൂൺ 21 നും ഇടയിൽ ജനിച്ചവർ: വീടും കുടുംബ ബന്ധങ്ങളുമായി ബന്ധപ്പെട്ട നിങ്ങളുടെ നാലാമത്തെ ഭാവത്തിലാണ് ഈ സംക്രമണം സംഭവിക്കുന്നത്. കുടുംബകാര്യങ്ങൾ മെച്ചപ്പെടും. കുടുംബത്തോടൊപ്പം സമയം ചെലവഴിക്കാൻ നിങ്ങൾക്ക് അവസരം ലഭിക്കും. വീട്ടിൽ യോജിപ്പുള്ള അന്തരീക്ഷം സൃഷ്ടിക്കാനുള്ള സമയമാണിത്. മാതാപിതാക്കളുമായുള്ള ബന്ധം ശക്തിപ്പെടും. കുടുംബ ജീവിതത്തിൽ സന്തോഷം വരും. ഈ സമയത്ത്, വീടിന്റെ അലങ്കാരം അല്ലെങ്കിൽ റിയൽ എസ്റ്റേറ്റ് എന്നിവയുമായി ബന്ധപ്പെട്ട കാര്യങ്ങളും ഉയർന്നുവന്നേക്കാം
advertisement
കാൻസർ (Cancer -കർക്കിടകം രാശി) ജൂൺ 22നും ജൂലൈ 22നും ഇടയിൽ ജനിച്ചവർ: ആശയവിനിമയം, യാത്ര, സഹോദരങ്ങൾ എന്നിവയുമായി ബന്ധപ്പെട്ട നിങ്ങളുടെ മൂന്നാം ഭാവമായ കന്നിരാശിയിലൂടെ ശുക്രൻ സഞ്ചരിക്കുന്നു. നിങ്ങളുടെ ആശയവിനിമയ കഴിവുകൾ മെച്ചപ്പെടുത്തേണ്ട സമയമാണിത്. നിങ്ങളുടെ ആശയങ്ങൾ കൂടുതൽ വ്യക്തമായി പ്രകടിപ്പിക്കും. ഇത് നിങ്ങളുടെ ബന്ധത്തിലും ജോലിസ്ഥലത്തും നല്ല സ്വാധീനം ചെലുത്തും. ചെറിയ യാത്രകൾ നടത്തുകയും സഹോദരങ്ങളുമായുള്ള ബന്ധവും മെച്ചപ്പെട്ടേക്കാം
advertisement
ലിയോ (Leo - ചിങ്ങം രാശി) ജൂലൈ 23നും ആഗസ്റ്റ് 22 നും ഇടയിൽ ജനിച്ചവർ: സമ്പത്തും കുടുംബവുമായി ബന്ധപ്പെട്ട നിങ്ങളുടെ രണ്ടാമത്തെ ഭാവത്തിലൂടെ ശുക്രൻ സഞ്ചരിക്കുന്നു. ഈ സംക്രമണം നിങ്ങളുടെ സാമ്പത്തിക സ്ഥിതി മെച്ചപ്പെടുത്തും. കൂടാതെ നിങ്ങളുടെ കുടുംബവുമായും നിങ്ങൾക്ക് നല്ല ബന്ധമുണ്ടാകും. നിങ്ങൾക്ക് സാമ്പത്തിക പദ്ധതികളിൽ വിജയം കൊണ്ടുവരാനുള്ള സമയമാണിത്. നിങ്ങളുടെ സംസാരത്തിൽ സൗമ്യതയും ആകർഷണീയതയും ഉണ്ടാകും. അത് നിങ്ങളുടെ ബന്ധങ്ങളിൽ നല്ല സ്വാധീനം ചെലുത്തും
advertisement
വിർഗോ (Virgo) (കന്നി രാശി)ആഗസ്റ്റ് 23നും സെപ്റ്റംബർ 22നും ഇടയിൽ ജനിച്ചവർ: നിങ്ങളുടെ സ്വന്തം രാശിയിൽ ശുക്രൻ സഞ്ചരിക്കുന്നു. ശുക്രൻ നിങ്ങളുടെ രാശിയിലേക്ക് കടന്നുവന്ന് നിങ്ങളുടെ വ്യക്തിജീവിതത്തെയും ആരോഗ്യത്തെയും സ്വയം പരിചരണത്തെയും സ്വാധീനിക്കുന്നതിനാൽ ഇത് നിങ്ങൾക്ക് വളരെ ശുഭകരമാണ്. സ്വയം സമ്പുഷ്ടീകരണത്തിലും ആരോഗ്യത്തിലും ശ്രദ്ധ കേന്ദ്രീകരിക്കേണ്ട സമയമാണിത്. നിങ്ങളുടെ പ്രതിച്ഛായ മെച്ചപ്പെടുത്താനും പുതിയ ബന്ധങ്ങളിൽ ഐക്യം നിലനിർത്താനും കഴിയും. ഈ സംക്രമണം നിങ്ങളുടെ ആത്മവിശ്വാസം വർദ്ധിപ്പിക്കും. കൂടാതെ നിങ്ങളുടെ വികാരങ്ങൾ മികച്ച രീതിയിൽ പ്രകടിപ്പിക്കാൻ നിങ്ങൾക്ക് കഴിയും
advertisement
ലിബ്ര (Libra - തുലാം രാശി): സെപ്റ്റംബർ 23നും ഒക്ടോബർ 23നും ഇടയിൽ ജനിച്ചവർ: ഈ സംക്രമണം നിങ്ങളുടെ പന്ത്രണ്ടാമത്തെ ഭാവത്തിലാണ് നടക്കുന്നു. ഇത് ആത്മീയത, രഹസ്യ കാര്യങ്ങൾ, ചെലവ് എന്നിവയുമായി ബന്ധപ്പെട്ടിരിക്കുന്നു. ഈ സംക്രമണ സമയത്ത്, നിങ്ങളുടെ വികാരങ്ങളെയും മാനസികാവസ്ഥയെയും മനസ്സിലാക്കാൻ നിങ്ങൾക്ക് അവസരം ലഭിക്കും. ആത്മപരിശോധനയുടെ സമയമാണിത്. നിങ്ങളുടെ ഉള്ളിലെ ആഴത്തിലുള്ള വശങ്ങൾ അറിയാൻ നിങ്ങൾ ശ്രമിക്കും. ചെലവുകൾ വർദ്ധിച്ചേക്കാം, അതിനാൽ പണം ശരിയായി കൈകാര്യം ചെയ്യേണ്ടത് പ്രധാനപ്പെട്ടതാണ്. ആത്മീയ പ്രവർത്തനങ്ങളും ധ്യാനവും നിങ്ങളുടെ മാനസികാരോഗ്യത്തിന് ഗുണം ചെയ്യും
advertisement
സ്കോർപിയോ (Scorpio - വൃശ്ചിക രാശി) ഒക്ടോബർ 24നും നവംബർ 21നും ഇടയിൽ ജനിച്ചവർ: സാമൂഹിക ജീവിതം, സുഹൃത്തുക്കൾ, അഭിലാഷങ്ങൾ എന്നിവയുമായി ബന്ധപ്പെട്ട നിങ്ങളുടെ പതിനൊന്നാമത്തെ ഭാവത്തിലൂടെ ശുക്രൻ സംക്രമിക്കുന്നു. നിങ്ങളുടെ സാമൂഹിക വലയം വികസിപ്പിക്കാനും പുതിയ ബന്ധങ്ങൾ സ്ഥാപിക്കാനുമുള്ള സമയമാണിത്. സുഹൃത്തുക്കളിൽ നിന്ന് നിങ്ങൾക്ക് പിന്തുണ ലഭിക്കും. നിങ്ങളുടെ ആഗ്രഹങ്ങൾ നിറവേറ്റാൻ കഴിയും. ഇത് നിങ്ങൾക്ക് പുതിയ അവസരങ്ങളുടെ സമയമാണ്, പ്രത്യേകിച്ച് നിങ്ങളുടെ ശൃംഖല ശക്തിപ്പെടുത്താൻ കഴിയുന്ന മേഖലകളിൽ
advertisement
സാജിറ്റെറിയസ് (Sagittarius - ധനു രാശി) നവംബർ 22നും ഡിസംബർ 21നും ഇടയിൽ ജനിച്ചവർ: ഈ സംക്രമണം നിങ്ങളുടെ പത്താം ഭാവത്തിൽ നടക്കുന്നു. ഇത് കരിയറുമായും സാമൂഹിക അന്തസ്സുമായും ബന്ധപ്പെട്ടിരിക്കുന്നു. ഈ സമയത്ത്, നിങ്ങളുടെ കരിയറിൽ വിജയവും വളർച്ചയും ഉണ്ടാകും. നിങ്ങളുടെ കഠിനാധ്വാനത്തിന്റെ ഫലം ലഭിക്കാനുള്ള സമയമാണിത്. ജോലിസ്ഥലത്തെ നിങ്ങളുടെ ശ്രമങ്ങൾ വിലമതിക്കപ്പെടും. കൂടാതെ നിങ്ങളുടെ മേഖലയിൽ നിങ്ങൾക്ക് ശക്തമായ ഒരു സ്ഥാനം നേടാനും കഴിയും. ഈ സമയം നിങ്ങളുടെ പ്രൊഫഷണൽ ജീവിതത്തിൽ ഐക്യവും സന്തുലിതാവസ്ഥയും കൊണ്ടുവരും
advertisement
കാപ്രികോൺ (Capricorn -മകരം രാശി) ഡിസംബർ 22നും ജനുവരി 19നും ഇടയിൽ ജനിച്ചവർ: മതം, വിദ്യാഭ്യാസം, വിദേശ യാത്ര എന്നിവയുമായി ബന്ധപ്പെട്ട നിങ്ങളുടെ ഒമ്പതാം ഭാവത്തിൽ നിന്നാണ് ഈ സംക്രമണം നടക്കുന്നത്. ഇത് നിങ്ങൾക്ക് ആത്മീയവും മാനസികവുമായ വളർച്ചയുടെ സമയമാണ്. നിങ്ങളുടെ ജീവിതത്തിന്റെ ഉദ്ദേശ്യം മനസ്സിലാക്കാനും ജീവിതത്തിൽ മുന്നോട്ട് പോകുന്നതിന് പുതിയ കാഴ്ചപ്പാടുകൾ നേടാനും നിങ്ങൾക്ക് കഴിയും. ഉന്നത വിദ്യാഭ്യാസത്തിനും വിദേശ യാത്രയ്ക്കും ഈ സമയം ശുഭകരമാണ്
advertisement
അക്വാറിയസ് (Aquarius -കുംഭം രാശി) ജനുവരി 20നും ഫെബ്രുവരി 18നും ഇടയിൽ ജനിച്ചവർ: രഹസ്യ കാര്യങ്ങൾ, പരിവർത്തനം, പാരമ്പര്യം എന്നിവയുമായി ബന്ധപ്പെട്ട നിങ്ങളുടെ എട്ടാം ഭാവത്തിൽ ശുക്രൻ സംക്രമിക്കുന്നു. ഈ സമയം നിങ്ങൾക്ക് മാനസികവും വൈകാരികവുമായ പരിവർത്തനം സംഭവിച്ചേക്കാം. ഒരു രഹസ്യ കാര്യം വെളിപ്പെടുത്താൻ കഴിയും. നിങ്ങളുടെ ജീവിതത്തിൽ ചില ആഴത്തിലുള്ള മാറ്റങ്ങൾ നിങ്ങൾക്ക് അനുഭവപ്പെടും. ഈ സംക്രമണ സമയത്ത്, നിങ്ങളുടെ നിക്ഷേപങ്ങളിലും സാമ്പത്തിക കാര്യങ്ങളിലും നിങ്ങൾ ശ്രദ്ധ കേന്ദ്രീകരിക്കേണ്ടതുണ്ട്
advertisement
പിസെസ് (Pisces- മീനം രാശി) ഫെബ്രുവരി 19 നും മാർച്ച് 20 നും ഇടയിൽ ജനിച്ചവർ: വിവാഹം, പങ്കാളിത്തം, ബന്ധങ്ങൾ എന്നിവയുമായി ബന്ധപ്പെട്ട നിങ്ങളുടെ ഏഴാം ഭാവത്തിൽ ഈ സംക്രമണം നടക്കുന്നു. നിങ്ങളുടെ ബന്ധങ്ങൾക്കും പങ്കാളിത്തങ്ങൾക്കും ഈ സമയം ശുഭകരമായിരിക്കും. നിങ്ങളുടെ പങ്കാളിയുമായി നല്ല ബന്ധം സ്ഥാപിക്കാൻ നിങ്ങൾക്ക് അവസരം ലഭിക്കും. ബിസിനസ്സ് പങ്കാളിത്തങ്ങൾ നേട്ടങ്ങൾ കൊണ്ടുവന്നേക്കാം, നിങ്ങളുടെ വ്യക്തിജീവിതം സന്തോഷകരമായിരിക്കും