മദ്യലഹരിയിലെത്തിയ സഞ്ചാരികളും നാട്ടുകാരും തമ്മിൽ ഇടുക്കി രാമക്കൽമേട്ടിൽ കൂട്ടത്തല്ല്

ഇടുക്കി (Idukki) രാമക്കല്‍മേട്ടില്‍ (Ramakkalmedu) വിനോദ സഞ്ചാരികളും നാട്ടുകാരും തമ്മില്‍ സംഘര്‍ഷം.  മദ്യലഹരിയിലായിരുന്ന തമിഴ്നാട്ടില്‍ നിന്നെത്തിയ സഞ്ചാരികളുടെ സംഘം നാട്ടുകാരുമായി വാക്കേറ്റമുണ്ടാവുകയും സംഘര്‍ഷത്തിലേക്ക് വഴിമാറുകയുമായിരുന്നു. നാട്ടുകാരുടെയും ഡ്രൈവര്‍മാരുടെയും അവസരോചിത ഇടപെടല്‍ മൂലം വിനോദസഞ്ചാര കേന്ദ്രത്തിനുള്ളിലേക്ക് സംഘര്‍ഷം കടന്നില്ല. ഈ സമയം സ്ത്രീകളും കുട്ടികളുമടക്കം നിരവധി സഞ്ചാരികള്‍ വിനോദ സഞ്ചാരകേന്ദ്രത്തിന് ഉള്ളിലുണ്ടായിരുന്നു. തുടര്‍ന്ന് മദ്യലഹരിയിലായിരുന്ന സഞ്ചാരികളെ  നാട്ടുകാരുടെ നേതൃത്വത്തില്‍ വണ്ടിയില്‍ കയറ്റി പറഞ്ഞു വിടുകയായിരുന്നു.