പന്ത്രണ്ടാം ക്ലാസുകാരിയെ ബലാത്സംഗം ചെയ്തെന്ന കേസിൽ അധ്യാപകനെ വെറുതെവിട്ടു; ബന്ധം പരസ്പര സമ്മതത്തോടെയെന്ന് കോടതി

പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്തെന്ന കേസിൽ ട്യൂഷൻ ടീച്ചറെ ഡൽഹി കോടതി വെറുതെവിട്ടു. പന്ത്രണ്ടാം ക്ലാസ് വിദ്യാർത്ഥിനിയുമായി അധ്യാപകനുണ്ടായിരുന്നത് പരസ്പര സമ്മതത്തോടെയുള്ള ബന്ധമാണെന്ന് ചൂണ്ടിക്കാട്ടിയാണ് നടപടി. 2015 നും 2018 നും ഇടയിൽ പലതവണ ബലാത്സംഗം ചെയ്തെന്നും ഭീഷണിപ്പെടുത്തി അശ്ലീല വീഡിയോകൾ കാണാൻ നിർബന്ധിച്ചുവെന്നുമാണ് അന്ന് 12 ക്ലാസ് വിദ്യാർത്ഥിനിയായിരുന്ന പെൺകുട്ടിയുടെ പരാതി. അഡീഷണൽ സെഷൻസ് ജഡ്ജി അജയ് നാഗറാണ് കേസിൽ വിധി പ്രസ്താവിച്ചത്.