ദേവനന്ദയുടെ മരണം: എല്ലാ മുങ്ങിമരണങ്ങളും മുങ്ങിയാകണമെന്നില്ല

Also Read ദേവനന്ദയെ തട്ടിക്കൊണ്ടു പോയതെന്ന് സംശയം: മരണത്തിൽ ദുരൂഹത ആരോപിച്ച് മുത്തച്ഛൻ 

മരിച്ച വിദ്യാർഥിയുടെ തലയോട് തുറന്നുള്ള പരിശോധന ആദ്യ പോസ്റ്റുമോർട്ടത്തിൽ നടന്നിരുന്നില്ല. തലയോടും തലച്ചോറും പരിശോധിച്ച രണ്ടാമത്തെ സംഘം തലയുടെ പിൻഭാഗത്ത് ശക്തമായ ഒരു ക്ഷതം കണ്ടെത്തി. കൂടാതെ ശരീരത്തിന്റെ പുറകുവശത്ത് രണ്ടിടങ്ങളിലും സമാനമായ ക്ഷതം കണ്ടെത്തി. വൃക്കകളെ ഈ ക്ഷതം സരമായി ബാധിച്ചിരുന്നുവെന്നും കണ്ടെത്തി. കൂടാതെ മുങ്ങിമരണമാണെന്ന ആദ്യ പോസ്റ്റ്മോർട്ടം റിപ്പോർട്ടിലെ പരമാർശം ശരിവയ്ക്കുന്ന ചില കാര്യങ്ങളും രണ്ടാമത്തെ പോസ്റ്റ്മോർട്ടത്തിലും കണ്ടെത്തി. അന്നനാളത്തിലെയും ആമാശയത്തിലെയും ജ‌ല സാനിധ്യമാണ് പ്രധാനം. എന്നാൽ ശരീരത്തിനേറ്റ ക്ഷതങ്ങൾക്ക് ചുറ്റും പ്രത്യേക തരത്തിലുള്ള കോശ വളർച്ച പ്രത്യേകിച്ച തലയോട്ടിയിലെ ത്വക്കിനു പുറത്ത് നിന്ന് കണ്ടെത്തി. ഈ കണ്ടെത്തൽ കേസന്വേഷണത്തിൽ ഏറെ നിർണായകമായി.

ദേവനന്ദയുടെ മാതാപിതാക്കളെ പോലെ അന്നും അച്ഛനും അമ്മയും സംശയങ്ങൾ പ്രകടിപ്പിച്ചിരുന്നു. നീന്തൽ കുളത്തിലെ രജിസ്റ്ററിൽ മകനല്ല ഒപ്പ് വച്ചത്, മകന്റെ കൈയക്ഷരം ഇങ്ങനെയല്ല. കൂടാതെ നീന്തൽ താരമായ മകൻ കുളത്തിൽ മുങ്ങി മരിക്കില്ല. ഹൃദ്രോഗിയാണെന്ന വാദം അടിസ്ഥാന രഹിതമാണെന്നും കോളജ് ക്ലാസുള്ളപ്പോൾ നീന്തൽ പരിശീലനത്തിന് മകൻ പോകില്ലെന്നും അച്ഛനും അമ്മയും ഉറപ്പിച്ചു പറഞ്ഞു. സാധാരണ വേഷത്തിൽ ഒരിക്കലും മകൻ നീന്തൽ കുളത്തിൽ ഇറങ്ങില്ലെന്നും രക്ഷിതാക്കൾ വാദിച്ചു. കാരണം കോളജിൽ ക്ലാസുള്ള ദിവസമാണ് രാവിലെ ആ മിടുക്കൻ മരിച്ചത്. കൂടാതെ ബെർമൂഡയും ടി ഷർട്ടുമാണ് ധരിച്ചിരുന്നത്. ഇത്തരം സംശയങ്ങളുള്ളതുകൊണ്ട് തന്നെ സംഭവം തെളിയിക്കപ്പെടും വരെ മകന്റെ മൃതശരീരം മറവു ചെയ്യില്ലെന്നും ആ മതാപിതാക്കൾ തീരുമാനിച്ചിരുന്നു.

ഏതായാലും റി പോസ്റ്റ്മോർട്ടത്തിന്റെയും രാസ പരിശോധനയുടെയും ഫലം വന്നപ്പോൾ മരണം മുങ്ങിമരണം തന്നെയെന്ന് ഉറപ്പിച്ചു. എന്നാൽ മരണത്തിന് മുമ്പ് സംഭവിച്ച ക്രൂരമായ റാഗിംഗിന്റെ കഥ കൂടി പുറത്തുവന്നു. കോളജിലെ സീനിയർ വിദ്യാർഥികളുടെ ആറംഗ സംഘം ഹോസ്റ്റൽ മുറിയിൽ അതിക്രമിച്ച് കടന്ന് ആ കുട്ടിയെ റാഗ് ചെയ്തിരുന്നു. അളമുട്ടിയാൽ ചേരയും കടിക്കുമെന്ന പോലെ ആ കുട്ടി ആറംഗ ക്രിമിനൽ സംഘത്തിലെ ഒരാളെ ശരിക്ക് ഇടിച്ച് പഞ്ഞിക്കിട്ടു. ഇതിനെ തുടർന്ന് ക്രിമിനൽ സംഘം കുട്ടിയെ ക്രിക്കറ്റ് ബാറ്റുകൊണ്ട് തലയ്ക്കും മുതുകിലും അടിച്ചു. അടിയുടെ ആഘാതത്തിൽ ബോധരഹിതനായി വീണ വിദ്യാർത്ഥിയെ മണിക്കൂറുകൾക്ക് ശേഷം മരിച്ചെന്ന് തെറ്റിധരിച്ച് നീന്തൽ കുളത്തിലെറിഞ്ഞു. ഇതാണ് സംഭവിച്ചത്.

തുടർന്ന് ക്രിമിനൽ സംഘത്തിലെ ആറുപേരും അറസ്റ്റ് ചെയ്യപ്പെട്ടു. കൂടാതെ സിസിടിവി ക്യാമറകൾ ഓഫാക്കി സഹായിച്ച ഹോസ്റ്റൽ അധികാരികളുടെ ഒത്താശക്കാരും കൊലായാളി ഗ്രൂപ്പിനെ സഹായിക്കാൻ മൊഴിമാറ്റുകയും സത്യം മറച്ചുവയ്ക്കുകയും ചെയ്ത കോളജ് അധികാരികളിൽ ചിലരും അന്ന് ആ കേസിൽ പ്രതി ചേർക്കപ്പെട്ടിരുന്നു.

അതുകൊണ്ട് തന്നെ ദേവനന്ദയുടെ മരണത്തെക്കുറിച്ച് അന്വേഷിക്കാൻ ഫോറൻസിക് സംഘം സ്ഥലത്ത് എത്തുമ്പോൾ അവർ കൃത്യമായി കാര്യങ്ങൾ അന്വേഷിക്കുമെന്ന് ന്യായമായും പ്രതീക്ഷിക്കാം. ദേവനന്ദയുടെ രക്ഷിതാക്കളുടെ സംശയങ്ങളും ബലമുള്ളതാണ്. കുട്ടി പോകാത്ത വഴി, കുട്ടിയുടെ മൃതശരീരത്തിനൊപ്പം കണ്ടെത്തിയ ദുപ്പട്ട, മരണ സമയം, കുട്ടി തനിച്ചു പുറത്ത് പോകില്ലെന്ന ഉറപ്പ്. കുട്ടിയുടെ പ്രായം, ഇതൊക്കെ ഇഴകീറി പരിശോധിക്കപ്പെടും. കേസിൽ എന്തെങ്കിലും ചീഞ്ഞ് നാറുന്നുണ്ടെങ്കിൽ അത് തെളിയിക്കാനുള്ള തുമ്പ് അവർക്ക് കണ്ടെത്താൻ കഴിയുക തന്നെ ചെയ്യും.