കാറുകള്‍ കൂട്ടിയിടിച്ചു; യാത്രക്കാര്‍ ഇറങ്ങിയോടി; കണ്ടെടുത്തത് 90 കുപ്പി മദ്യം

കണ്ണൂർ: കാറുകൾ കൂട്ടിയിടിച്ചുണ്ടായ അപകടത്തിനിടെ ഒരു കാറിൽ നിന്ന് യാത്രക്കാർ ഓടി രക്ഷപ്പെട്ടു. ഈ വാഹനത്തിൽ നിന്ന് 90 കുപ്പി മദ്യം കണ്ടെടുത്തു. കണ്ണപുരം യോഗശാലയ്ക്ക് സമീപം ശനിയാഴ്ചയായിരുന്നു സംഭവം. അപകടത്തിൽപ്പെട്ട കാർ ക്രെയിൻ ഉപയോഗിച്ച് സ്റ്റേഷനിലെത്തിച്ച് പരിശോധന നടത്തുന്നതിനിടെയാണ് മദ്യം കണ്ടെത്തിയത്.