ഭാര്യയുടെ സോപ്പിട്ടു കുളിച്ചതിന് ഭർത്താവ് അറസ്റ്റിൽ; പിന്നാലെ ആരോപണങ്ങളുടെ പെരുമഴ

ഭാര്യയുടെ സോപ്പ് ഉപയോഗിച്ചതിനെച്ചൊല്ലിയുള്ള ഒരു ചെറിയ വഴക്ക് ഭർത്താവിനെ ഗാർഹിക പീഡന കേസിലെ പ്രതിയാക്കി. ഉത്തർപ്രദേശ് അലിഗഡിലെ ക്വാർസിയിലാണ് സംഭവം. 39കാരനായ പ്രവീൺ കുമാർ ഭാര്യയുടെ സോപ്പ് ഉപയോഗിച്ചതോടെയാണ് പ്രശ്നങ്ങളുടെ തുടക്കം. എന്തിനാണ് തന്റെ സോപ്പ് ഉപയോഗിച്ചതെന്ന് ഭാര്യ ഭർത്താവിനോട് ചോദിച്ചു. തന്റെ സാധനങ്ങൾ പലപ്പോഴും ഉപയോഗിക്കാറില്ലേയെന്നും അപ്പോഴൊന്നും താൻ പരാതി പറഞ്ഞിട്ടില്ലല്ലോ എന്നും ഭർത്താവ് തിരികെ ചോദിച്ചു. ചെറിയ വഴക്ക് പിന്നാലെ വലിയ തർക്കത്തിലേക്കും കൈയാങ്കളിയിലേക്കും നീണ്ടു. തുടർന്ന് യുവതി പൊലീസിനെ വിളിച്ചുവരുത്തുകയായിരുന്നു.