കോട്ടയം മെഡിക്കൽ കോളജ് പരിസരത്ത് സ്ത്രീയുടെ മൃതദേഹം കണ്ടെത്തിയ സംഭവം; കൊലപാതകമെന്ന് നിഗമനം

ലോട്ടറി വിൽപ്പനക്കാരിയുടെ മൃതദേഹമാണ് കണ്ടെത്തിയത്. കഴുത്തിൽ കിടന്ന മാലയും കയ്യിലുണ്ടായിരുന്ന പണവും മോഷ്ടിക്കുന്നതിനുവേണ്ടിയാണ് ഇവരെ കൊന്നതെന്നാണ് പൊലീസിൻറെ നിഗമനം.

also read: വിമാനത്തിന്റെ കോക്പീറ്റിൽ മദ്യപിച്ച് കയറിക്കൂടി; പൈലറ്റിനെ മൂന്നുമാസത്തേക്ക് സസ്പെൻഡ് ചെയ്തു

പോസ്റ്റുമോർട്ടം ചെയ്ത ഫോറൻസിക് വിദഗ്ധൻ മൃതദേഹം കിടന്ന സ്ഥലത്തെത്തി പരിശോധന നടത്തി. തലയിലുള്ള മുറിവ് വീഴ്ചയിൽ സംഭവിച്ചതല്ല എന്നാണ് നിഗമനം. മോഷണത്തിനിടെ കൊലയാളി തലക്ക് അടിച്ചതാകാമെന്നാണ് സംശയം. മെഡിക്കൽ കോളേജ് പരിസരത്ത് തന്നെ താമസിക്കുന്ന കച്ചവടക്കാർ അടക്കം നാല് പേർ പൊലീസ് നിരീക്ഷണത്തിലാണ്. സിസിടിവി ദൃശ്യങ്ങൾ അടക്കം ശേഖരിച്ച ശേഷമാകും ഇവരെ കസ്റ്റഡിയിൽ എടുക്കുക.

കയ്യിലുണ്ടായിരുന്ന നാലു പവനോളം സ്വർണം ഇവർ പണയം വെച്ചതായി പൊലീസ് കണ്ടെത്തി. ഡിഎൻഎ പരിശോധനാ ഫലത്തിനായി കാത്തിരിക്കുന്നതിനാൽ മൃതദേഹം മെഡിക്കൽ കോളജിൽ സൂക്ഷിച്ചിരിക്കുകയാണ്. രണ്ടുദിവസത്തിനുള്ളിൽ കൊലപാതകത്തിന്റെ ചുരുളഴിച്ച് പ്രതിയെ പിടികൂടാം എന്നാണ് പൊലീസിൻറെ കണക്കുകൂട്ടൽ.