'ഫാൻ ഫൈറ്റ്' പാലക്കാട് തിയേറ്ററിൽ ഏറ്റുമുട്ടി അജിത്- വിജയ് ആരാധകര്‍; വീഡിയോ വൈറൽ

അജിത് ചിത്രം 'ഗുഡ് ബാഡ് അഗ്ലി'യുടെ റിലീസ് ദിവസം പാലക്കാട്ടെ തീയേറ്ററില്‍ ഏറ്റുമുട്ടി അജിത്- വിജയ് ആരാധകര്‍. സംഭവത്തിന്റെ ദൃശ്യങ്ങൾ ഇപ്പോള്‍ സാമൂഹിക മാധ്യമങ്ങളില്‍ വൈറലാണ്. ഇരു ആരാധകരും ചേരിതിരിഞ്ഞ് തിയേറ്ററിന്റെ ഉള്ളില്‍ ഏറ്റുമുട്ടുന്ന വീഡിയോ ആണ് പ്രചരിക്കുന്നത്. പാലക്കാട് സത്യ തീയേറ്ററില്‍ നിന്നുള്ള ദൃശ്യങ്ങൾ എന്ന പേരിലാണ് വീഡിയോ ആണ് വൈറലാവുന്നത്. ആരാധകര്‍ പരസ്പരം ആക്രോശിക്കുന്നതും തമ്മില്‍ തല്ലുന്നതും തീയേറ്ററിലെ സീറ്റുകളിലും മറ്റും കേടുപാടുകൾ വരുത്തുന്നതും വിഡിയോയിൽ കാണാൻ സാധിക്കും. തീയേറ്ററിലെ സംഘര്‍ഷത്തെത്തുടര്‍ന്ന് പ്രദര്‍ശനം നിര്‍ത്തിവെച്ചിരുന്നു.