Thudarum | ആടിത്തകർത്ത് മുരുകനും ലളിതയും തരുണും ടീമും; 'തുടരും' സിനിമയിലെ കാത്തിരുന്ന 'കോലാഹലം' ഗാനം

'തുടരും' (Thudarum) തുടർന്ന് കൊണ്ടേയിരിക്കുകയാണ്. കാഴ്ചകൾ അവസാനിക്കുന്നില്ല. തിയേറ്ററിൽ കോടികൾ പാറിച്ച ചിത്രത്തിൽ നിന്നും ഏറ്റവും അടുത്തായി പുറത്തുവന്നിരിക്കുന്നത് ആടിത്തകർക്കാൻ പാകത്തിൽ ഒരു തട്ടുപൊളിപ്പൻ ഗാനമാണ്. ഒരുവല്ലം പൊന്നും പൂവും..., മാനം തെളിഞ്ഞേ നിന്നാൽ... തുടങ്ങിയ ക്ലാസിക് ഗാനങ്ങൾക്ക് ചുവടുകൾ തീർത്ത മോഹൻലാലും (Mohanlal) ശോഭനയും (Shobana) വർഷങ്ങൾക്ക് ശേഷം ഇങ്ങനെയൊരു ഗാനരംഗവുമായി വന്നിരിക്കുന്നതിന്റെ ആവേശം പ്രേക്ഷകർ നൽകിയിട്ടുള്ള ലൈക്കുകളും വ്യൂസും നോക്കിയാൽ മാത്രം മതി, എത്രത്തോളമെന്നു കാണാം.എം.ജി. ശ്രീകുമാർ പാടിയ ഗാനത്തിന് ജെയ്ക്സ് ബിജോയ് സംഗീതം നൽകിയിരിക്കുന്നു. സംവിധായകനും, ഗായകനും, സംഗീത സംവിധായകനും ഇവർക്കൊപ്പം ചുവടുകൾ തീർക്കുന്നു.