ഒരു മാസത്തെ ചെലവ് 20,000 രൂപയിൽ കൂടില്ല, ബെൻസ് കാറും വിറ്റു; അമല പോൾ പറയുന്നു

സിനിമ നടിയാണെങ്കിലും അമല പോളിന് ഒരു മാസം കഴിച്ചുകൂട്ടാൻ വേണ്ടത് കേവലം 20,000 രൂപ മാത്രം. സ്വന്തമായി ഉണ്ടായിരുന്ന ബെൻസ് കാറും വിറ്റ ശേഷം അമല ചിലവും ആർഭാടവും കുറഞ്ഞ ലളിത ജീവിതമാണ് നയിക്കുന്നതെന്നും പറയുന്നു. വീട് സാധനങ്ങൾ വാങ്ങാനുള്ള യാത്ര സൈക്കിളിലാണ്. ഒരു ദേശീയ മാധ്യമത്തിന് നൽകിയ അഭിമുഖത്തിലാണ് അമല മനസ്സ് തുറക്കുന്നത്. ബ്യൂട്ടി പാർലറിൽ പോകുന്നതും അവസാനിപ്പിച്ചെന്നു അമല പറയുന്നു. ഹിമാലയത്തിൽ താമസിക്കാനാണ് ഇഷ്ടമെങ്കിലും അത്‌ സാധ്യമല്ലാത്തതിനാൽ പോണ്ടിച്ചേരിയിലാണ് വാസം. നിലവിൽ തനിക്കൊരു പ്രണയം ഉണ്ടെന്നും, അദ്ദേഹം നന്നായി സപ്പോർട്ട് ചെയ്യുന്ന ആളാണെന്നും അമല പറയുന്നു.