Kolla movie | ബോബി- സഞ്ജയ് ചിത്രം 'കൊള്ള' ജൂൺ 9ന്; ട്രെയ്‌ലർ സിബി മലയിൽ പുറത്തിറക്കി

ബോബി- സഞ്ജയ് കഥയെഴുതി സൂരജ് വർമ്മ സംവിധാനം നിർവ്വഹിച്ച കൊള്ള (Kolla movie) എന്ന ചിത്രത്തിന്റെ ട്രെയ്‌ലർ പുറത്തിറങ്ങി. സംവിധായകൻ സിബി മലയിലാണ് ഔദ്യോഗികമായി ട്രെയ്‌ലർ ലോഞ്ച് ചെയ്തത്. ട്രെയ്‌ലർ നിരവധി താരങ്ങൾ ഷെയർ ചെയ്തു. ജൂൺ 9ന് ചിത്രം തിയെറ്ററുകളിൽ എത്തും. രണ്ടു പെൺകുട്ടികളെ കേന്ദ്രകഥാപാത്രമാക്കി ത്രില്ലർ സ്വഭാവത്തിലാണ് ചിത്രം ഒരുക്കിയിരിക്കുന്നത്. രജീഷ് പ്രൊഡക്ഷൻസിന്റെ ബാനറിൽ കെ.വി. രജീഷ് നിർമ്മിക്കുന്ന ചിത്രത്തിൽ രജിഷ വിജയൻ, പ്രിയാ വാര്യർ, വിനയ് ഫോർട്ട് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.