Pookkaalam review | 'പൂക്കാലം': കാലത്തിനൊപ്പം മാറി ചിന്തിക്കുന്ന വാർദ്ധക്യം

Pookkaalam review | അഞ്ച് മക്കൾ, കൊച്ചുമക്കൾ, കൊച്ചുമക്കളുടെയും മക്കൾ എന്നിങ്ങനെ ഒരു വലിയ കുടുംബത്തിന്റെ കാരണവർമാരായ ഇച്ചോയി എന്ന ഇട്ടൂപ്പും (വിജയരാഘവൻ) ഇച്ചാമ്മ എന്ന കൊച്ചുത്രേസ്യയും (KPAC ലീല) താമസിക്കുന്ന മായത്തട്ടകത്ത്‌ വീട്. പ്രായം സെഞ്ച്വറി അടുക്കുമ്പോൾ ഇളയമകളുടെ മകളുടെ വിവാഹനിശ്ചയത്തിന് തലമുറകളുടെ പാരമ്പര്യം പേറുന്ന മായത്തട്ടകത്ത്‌ വീട് ഉണരുന്നു. പലവീടുകളിൽ താമസിക്കുന്നവരെല്ലാം ഒത്തുകൂടി, ആഘോഷത്തിന് കേളികൊട്ടുണരുന്ന വേളയിൽ ഇച്ചോയിയുടെയും ഇച്ചാമ്മയുടേയും ജീവിതത്തിലേക്ക് അരനൂറ്റാണ്ടു മുൻപത്തെ ഒരധ്യായം അപ്രതീക്ഷിതമായി, സർവോപരി അനുചിതമായി തുറന്നു വരുന്നു. സംഘർഷഭരിതമായ ആ സാഹചര്യത്തെ വലിയ കുടുംബം നേരിടുകയല്ലാതെ മറ്റു പോംവഴിയില്ല.