തന്റെ തന്തയല്ല എന്റെ തന്ത... സ്വന്തം പടത്തിലെ മോഹൻലാലിന്റെ സൂപ്പർഹിറ്റ് ഡയലോഗ് അനുകരിച്ച് പൃഥ്വിരാജ്

ഒരു അവാർഡ് വേദിയിൽ മോഹൻലാലിൻറെ ഡയലോഗ് പറയുന്ന പൃഥ്വിയാണ് വിഡിയോയിൽ. അവതാരകരുടെ ആവശ്യ പ്രകാരമാണ് ദുബായിയിലെ ഓഡിയന്സിന് മുൻപാകെ പൃഥ്വി ഈ ഡയലോഗ് പറയുന്നത്.

സ്റ്റീഫൻ നെടുമ്പള്ളി അഥവാ എബ്രാം ഖുറേഷി എന്ന നായക വേഷം കൈകാര്യം ചെയ്തത് മോഹൻലാലാണ്. ഖുറേഷിയിൽ നിന്നാണ് രണ്ടാം ഭാഗമായ L2 എമ്പുരാന്റെ തുടക്കം. മലയാള സിനിമയിലെ ആദ്യ 200 കോടി ചിത്രം എന്ന നേട്ടം ലൂസിഫറിനുണ്ട്. കൂടാതെ പൃഥ്വിരാജ് 50കോടി ക്ലബ്ബിൽ പേരുള്ള ആദ്യ മലയാളി നടനും, സംവിധായകനും നിർമ്മാതാവും എന്ന നേട്ടം കൂടി കൈവരിച്ചു. മുരളി ഗോപിയാണ് വളരെയധികം പ്രേക്ഷക പ്രീതി നേടിയെടുത്ത ലൂസിഫറിന്റെ തിരക്കഥ രചിച്ചത്. സുജിത് വാസുദേവ് ആണ് ഛായാഗ്രഹണം. നിർമ്മാണം ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ.