വെറും മരംകേറി പെണ്ണല്ല, സൂക്ഷിച്ചു നോക്കുണ്ണീ, നല്ലൊന്നാന്തരം തെങ്ങാ; റിമ കല്ലിങ്കലിന്റെ ദൃശ്യങ്ങൾ വൈറൽ

റിമ കല്ലിങ്കലിന്റെ (Rima Kallingal) മരംകയറി ചിത്രം ചർച്ചയാകുന്നു. തന്റെ ഇൻസ്റ്റഗ്രാം വഴി റിമ കല്ലിങ്കൽ പങ്കുവെച്ച ചിത്രമാണ് ആരാധകർക്കിടയിലിപ്പോൾ ശ്രദ്ധേയമായിരിക്കുന്നത്. ‘എനിക്ക് ലഭിച്ച ‘#മരംകേറി’ എന്ന തലക്കെട്ടിനെ ഈ സന്ദർഭത്തിൽ ഞാൻ ശരിവെക്കുകയാണ്. ഈ വിദ്യാരംഭ ദിനത്തിൽ, എനിക്ക് തെങ്ങിൽ കയറാനുള്ള അടിസ്ഥാനങ്ങൾ പഠിപ്പിച്ച അശോകൻ ചേട്ടനോടാണ് ഞാൻ നന്ദി പറയുന്നത്. ’ എന്ന അടിക്കുറിപ്പോടെയാണ് ഏണിയിൽ കയറി ചക്ക വെട്ടുന്ന തന്റെ ഫോട്ടോ റിമ കല്ലിങ്ങൽ പങ്കു വെച്ചിരിക്കുന്നത്. ‘ബിരിയാണി'ക്ക് ശേഷം സജിൻ ബാബു സംവിധാനം ചെയ്യുന്ന 'തിയേറ്റർ: ദ് മിത്ത് ഓഫ് റിയാലിറ്റി' എന്ന ചിത്രത്തിന്റെ ചിത്രീകരണത്തിനിടയിലെ ഒരു ഫോട്ടോയായാണ് റിമ ഈ വിധത്തിൽ പങ്കുവച്ചിരിക്കുന്നത്. തിയേറ്റർ: ദി മിത്ത് ഓഫ് റിയാലിറ്റി ഒക്ടോബർ 16 മുതൽ തിയേറ്ററുകളിൽ പ്രദർശനം ആരംഭിക്കുന്നു. നിങ്ങളുടെ അടുത്ത തിയേറ്ററുകളിലെത്തുന്നു ‘ എന്നുകൂടി റിമ ഫോട്ടോയോടൊപ്പം നൽകുന്നുണ്ട്. തെങ്ങിൽ കയറുന്ന ചിത്രവും കാണാം.