തിരുവനന്തപുരത്ത് വീട്ടിലെ എയർ കണ്ടീഷനുള്ളിൽ 5 പാമ്പുകൾ; ശ്രദ്ധയിൽപ്പെട്ടത് ശബ്ദം കേട്ട്

സംശയംതോന്നി എ സിക്ക് സമീപം ചെന്നപ്പോൾ അകത്ത് നിന്ന് ചെറിയ ശബ്ദം കേട്ടു. ടോർച്ച് അടിച്ചുനോക്കിയപ്പോൾ പാമ്പിന്റെ ഭാഗം കണ്ടു. ഉടൻ തന്നെ വാവാ സുരേഷിനെ ബന്ധപ്പെടാൻ ശ്രമിച്ചെങ്കിലും കിട്ടിയില്ല. പിന്നീട് വനംവകുപ്പിലെ സ്നേക്ക് റെസ്ക്യൂ ഓഫീസർ റോഷ്നിയെ വീട്ടുകാർ വിളിച്ചു. റോഷ്നിയുടെ നിർദേശപ്രകാരം 'സർപ്പ'യിലെ സ്നേക്ക് ക്യാച്ചർ ഗൗതം ഉടൻ തന്നെ സംഭവസ്ഥലത്തെത്തി.

ടോർച്ച് തെളിച്ചു നോക്കിയപ്പോൾ കൊമ്പേറി അഥവാ വില്ലൂന്നി എന്ന വിഭാഗത്തിലെ വിഷമില്ലാത്ത പാമ്പ് ആണ് എന്ന് മനസ്സിലാക്കി. എ സി ഇളക്കി മാറ്റാതെ ഇതിനെ പിടിക്കാൻ കഴിയില്ല എന്നു മനസ്സിലാക്കി എ സി ടെക്നീഷ്യനെ വിളിച്ചുവരുത്തി. എസി തുറന്നപ്പോൾ 5-ഓളം വില്ലൂന്നി പാമ്പുകൾ ഉള്ളിൽ കണ്ടു. എസിയുടെ ഔട്ടർ വാട്ടർ പൈപ്പിനു സമീപം ചുമരിൽ ഉണ്ടാക്കിയ ദ്വാരത്തിലൂടെയായിരുന്ന ഇവ എസിക്കുള്ളിൽ എത്തിയത്.

ഒന്നര മണിക്കൂർ പരിശ്രമിച്ച് 4 എണ്ണത്തിനെ പിടി കൂടി. ഒരെണ്ണം ഔട്ടർ പൈപ്പിൻ്റെ സൈഡിലൂടെ പുറത്തേക്ക് ചാടി രക്ഷപ്പെട്ടു. മരചില്ലകൾ വീടിൻ്റെ ടെറസ്സിൽ താഴ്ന്ന് കിടന്നതുകൊണ്ടാണ് ഇവയ്ക്ക് വീട്ടിലെ എസി ക്കുള്ളിൽ കയറാൻ കഴിഞ്ഞത് എന്നാണ് സർപ്പ യിലെ സ്നേക്ക് ക്യാച്ചർ ഗൗതം പറഞ്ഞത്. വീടിനോട് ചാഞ്ഞ് കിടക്കുന്ന മരച്ചില്ലകൾ വെട്ടികളയേണ്ടതിന്റെ പ്രാധാന്യമാണ് ഈ സംഭവം കാണിക്കുന്നത്. പിടി കൂടിയ പാമ്പുകളെ പിന്നീട് ദൂരെയുള്ള ആൾപാർപ്പില്ലാത്ത തുറസ്സായ കുറ്റി കാട്ടിലേക്ക് തുറന്നു വിട്ടു.

Summary: In a chilling discovery, five snakes were found nesting inside an air conditioner at the residence of Madhav J. Panicker, a Technopark employee living in Cheruvakkal, Sreekaryam. The incident came to light on Thursday evening when Madhav returned from work and noticed a tail-like object disappearing into the bottom of his bedroom AC. Upon closer inspection, he heard faint rustling sounds from within the unit. Using a torch, he confirmed the presence of a snake and immediately sought professional help.