മുറിക്കാനും തിന്നാനും മനസു വരുന്നില്ല; പിറന്നാൾ സമ്മാനമായി പ്രിയ കുഞ്ചാക്കോ അയച്ച കേക്കുമായി രമേഷ് പിഷാരടി

കൂട്ടത്തിൽ കൂട്ടുകാരൻ കുഞ്ചാക്കോ ബോബന്റെ ഭാര്യ പ്രിയ കുഞ്ചാക്കോ നൽകിയ പിറന്നാൾ സമ്മാനം പിഷാരടി ഫേസ്ബുക്കിൽ പോസ്റ്റ് ചെയ്‌തു. പ്രകൃതി സ്നേഹിയായ പിഷാരടിക്ക് അതനുസരിച്ചുള്ള കേക്ക് ആണ് പ്രിയ തയാറാക്കി നൽകിയത്. മരച്ചില്ലയുടെ മുകളിൽ ഇരിക്കുന്ന കിളിയും ഇലയുമാണ് കേക്കിന്റെ തീം.

പിഷാരടി പ്രകൃതി സ്നേഹിയായിപ്പോയില്ലേ! 'ഇപ്പോൾ മുറിക്കാനും തിന്നാനും മനസു വരുന്നില്ല' എന്ന അവസ്ഥയിലായി പിഷാരടി.

അടുത്തിടെ മമ്മുക്കയുടെ എഴുപതാം പിറന്നാളിനും പ്രിയ കേക്ക് സമ്മാനിച്ചിരുന്നു. മമ്മൂട്ടി ഫാൻ ആയ പ്രിയ അദ്ദേഹം വീട്ടിലെ സ്വീകരണ മുറിയിലെ സോഫയിൽ ഇരിക്കുന്ന ചിത്രം ആലേഖനം ചെയ്ത കേക്ക് ആണ് കൊടുത്തയച്ചത്. മമ്മുക്ക ഈ കേക്ക് മുറിക്കുന്ന ചിത്രങ്ങളും പിന്നീട് പുറത്തുവന്നിരുന്നു.

പിഷാരടിയുടെ പിറന്നാളിന് ഒട്ടേറെപ്പേർ ആശംസ അർപ്പിച്ചെങ്കിലും, അച്ഛന്റെ പേര് ചോദിക്കുമ്പോൾ 'പിഷു' എന്ന് പറയുന്ന ഏറ്റവും ഇളയ മകന്റെ വീഡിയോ ആണ് കൂട്ടത്തിലെ ഹൈലൈറ്റ്. എത്ര പറഞ്ഞിട്ടും അച്ഛൻ എന്നതിന് പകരം 'പിഷു' എന്നാണ് മകൻ പറയുന്നത്‌. രസകരമായ വീഡിയോ പോസ്റ്റ് ചെയ്തുകൊണ്ടാണ് മഞ്ജു വാര്യർ പിറന്നാൾ ആശംസ അർപ്പിച്ചത്. വീഡിയോ ചുവടെ കാണാം.