‌Actress Meena| 'ദയവായി തെറ്റായ വാർത്തകൾ പ്രചരിപ്പിക്കാതിരിക്കൂ'; ഭർത്താവിന്റെ മരണത്തിനു ശേഷം അഭ്യർത്ഥനയുമായി നടി മീന

മരണവുമായി ബന്ധപ്പെട്ട് സോഷ്യൽമീഡിയയിലും മറ്റും നിരവധി വാർത്തകൾ പ്രചരിച്ചിരുന്നു. കുടുംബത്തിന്റെ സ്വകാര്യതയെ മാനിക്കണമെന്നും ഭർത്താവിന്റെ മരണവുമായി ബന്ധപ്പെട്ട് തെറ്റായ കാര്യങ്ങൾ പ്രചരിപ്പിക്കരുതെന്നുമാണ് മീന സോഷ്യൽമീഡിയയിലൂടെ ആവശ്യപ്പെട്ടിരിക്കുന്നത്.

Also Read-ഷേണായീസിൽ 45 വർഷം മുൻപ് കപ്പലണ്ടി വിറ്റുനടന്നു; ഇന്ന് സിനിമാ നിർമാതാവ്; 'സാന്റാക്രൂസ്' നിർമാതാവിന്റെ കഥ

Also Read-ഈ വർഷത്തെ ആദ്യ അതിഥി കൊറോണ; കോവിഡ് ബാധിച്ചതായി നടി മീന

താൻ കടുത്ത ദുഃഖത്തിലൂടെയാണ് കടന്നു പോകുന്നത്. ഈ സമയത്ത് തങ്ങളുടെ സ്വകാര്യതയെ മാധ്യമങ്ങൾ മാനിക്കണമെന്നും കുടുംബത്തിന്റെ ദുഃഖത്തിൽ പങ്കുചേരണമെന്നും അഭ്യർത്ഥിക്കുന്നു. മരണവുമായി ബന്ധപ്പെട്ട് തെറ്റായ കാര്യങ്ങൾ ദയവ് ചെയ്ത് പ്രചരിപ്പിക്കാതിരിക്കുക. തന്റേയും കുടുംബത്തിന്റേയും ദുഃഖത്തിൽ പങ്കുചേർന്ന മുഴുവൻ പേരോടും നന്ദി അറിയിക്കുന്നു.

ഭർത്താവിനെ ചികിത്സിച്ച ഡോക്ടർമാർക്കും തമിഴ്നാട് മുഖ്യമന്ത്രി സ്റ്റാലിനും ആരോഗ്യമന്ത്രിക്കും മീന നന്ദി രേഖപ്പെടുത്തിയിട്ടുണ്ട്.

കഴിഞ്ഞ വർഷം മീനയ്ക്കും കുടുംബത്തിനും കോവിഡ് ബാധിച്ചിരുന്നു. 2009 ലാണ് മീനയും വിദ്യാസാഗറും തമ്മിലുള്ള വിവാഹം കഴിയുന്നത്. നൈനിക എന്ന ഒരു മകളാണ് ഇവർക്കുള്ളത്. വിജയ് ചിത്രം തെരിയിലൂടെ നൈനികയും അഭിനയ ലോകത്തേക്ക് കടന്നിരുന്നു.