നിനക്കായി, ആദ്യമായി, ഓർമക്കായി, പരമ്പര തീരുന്നില്ല; വീണ്ടുമൊരു ആൽബവുമായി ഈസ്റ്റ് കോസ്റ്റ് വിജയൻ

ഓർമ്മയ്ക്കായി ഇനിയൊരു സ്നേഹഗീതം… ഏറ്റുപാടിയവർ എത്രയെന്ന് എണ്ണിത്തിട്ടപ്പെടുത്താൻ പറ്റുമോ? പ്രണയത്തിന്റെ നൈർമല്യം പേറുന്ന ഈസ്റ്റ് കോസ്റ്റിന്റെ ആൽബം ഗാനങ്ങൾക്ക് ഒരു കാലഘട്ടത്തെ രേഖപ്പെടുത്താൻ സാധിക്കും. മില്ലേനിയം പിറന്ന വേളയിൽ ഒപ്പമുണ്ടായ ആൽബം തരംഗത്തിൽ ഈ ഗാനങ്ങൾ വഹിച്ച പങ്ക് വളരെ വലുതാണ്. വളരെ വർഷങ്ങൾക്ക് ശേഷം ഈസ്റ്റ് കോസ്റ്റ് വിജയൻ ഈ ഗാനങ്ങൾക്ക് ഒരു തുടർച്ചയെന്നോണം മടങ്ങിവരവ് പ്രഖ്യാപിച്ചു കഴിഞ്ഞു. വിഷു ദിനത്തിലാണ് പ്രഖ്യാപനമുണ്ടായത്. അദ്ദേഹത്തിന്റെ ഫേസ്ബുക്ക് കുറിപ്പിലേക്ക്: