Police Day | ബോഡി ആരാണാദ്യം കണ്ടത്? ക്രൈം ഇൻവെസ്റ്റിഗേഷൻ ചിത്രം 'പോലീസ് ഡേ' ട്രെയ്‌ലർ

ഒരു ക്രൈം ഇൻവെസ്റ്റിഗേഷൻ ചിത്രത്തിൻ്റെ എല്ലാ ഘടകങ്ങളും കോർത്തിണക്കി 'പോലീസ് ഡേ' (Police Day) എന്ന ചിത്രത്തിൻ്റെ ഒഫീഷ്യൽ ട്രെയ്‌ലർ പുറത്തുവിട്ടു. ജൂൺ ആറിന് ചിത്രം പ്രദർശനത്തിനെത്തുന്നതിൻ്റെ മുന്നോടിയായിട്ടാണ് ട്രെയ്‌ലർ പുറത്തുവിട്ടത്. 'ബോഡി ആരാണാദ്യം കണ്ടത്? സെർവൻ്റൊണു സാർ... നല്ലൊരു സ്ട്രഗിൾ നടന്നതിൻ്റെ എല്ലാ സാധ്യതയും റൂമിലുണ്ട് സർ... തനിക്കാരെയെങ്കിലും സംശയമുണ്ടോ?...' എന്ന് ഒരു മർഡർ മിസ്റ്ററിയിൽ ആരംഭിക്കുന്ന ട്രെയ്‌ലറാണ് ചിത്രത്തിന്. ഒരു കൊലപാതകത്തിന്റെ ചുരുളുകൾ നിവർത്തുന്ന ഒരു പൊലീസ് ഉദ്യോഗസ്ഥൻ്റെ അന്വേഷണത്തിലെ അധികാരത്തിൻ്റെ ഉറച്ച വാക്കുകളായിരുന്നു ഇവ.