സൂപ്പർമാനെ നായകനാക്കി സിനിമയെടുക്കാൻ ആഗ്രഹിക്കുന്ന കുട്ടികളുടെ കഥയുമായി ഒരു വിഷ്ണു ഉണ്ണികൃഷ്ണൻ ചിത്രം

ഒരു നാടിൻ്റെ ആചാരാനുഷ്ഠാനങ്ങളുമായി ബന്ധപ്പെട്ട കുടുംബ ബന്ധങ്ങളുടെ കഥ പറഞ്ഞ ബിരിയാണി കിസ്സക്കു ശേഷം കിരൺ നാരായണൻ പുതിയ ചിത്രം ആരംഭിക്കുന്നു. താരകാര പ്രൊഡക്ഷൻസ് നിർമ്മിക്കുന്ന ചിത്രം ഗ്രാമപശ്ചാത്തലത്തിലൂടെ ഒരു സംഘം കുട്ടികളുടെ സ്വപ്നസാക്ഷാത്ക്കാരത്തിൻ്റെ കഥ പറയുന്നു. സൂപ്പർമാൻ്റെ കഥകൾ വായിച്ചും കേട്ടറിഞ്ഞും അവരെ നെഞ്ചിലേറ്റിയ നാലു കുട്ടികളെ പ്രധാനമായും കേന്ദ്രീകരിച്ചു കൊണ്ടാണ് ചിത്രത്തിൻ്റെ അവതരണം.