എലികൾ പൂജിക്കപ്പെടുന്ന ക്ഷേത്രം; പ്രധാനമന്ത്രി നരേന്ദ്ര മോദി ദര്‍ശനം നടത്തിയ രാജസ്ഥാനിലെ കര്‍ണിമാതാ

തന്റെ വളര്‍ത്തുമകനെയും അദ്ദേഹത്തിന്റെ പിന്‍ഗാമികളെയും കര്‍ണിമാത എലികളായി പുനര്‍ജനിപ്പിച്ചുവെന്നും ഐതീഹ്യത്തില്‍ പറയുന്നു.

ഈ ക്ഷേത്രത്തില്‍ കാണപ്പെടുന്ന എലികള്‍ ദേവിയെ പോലെ ദിവ്യമായി പ്രദേശവാസികള്‍ കരുതുന്നു. ദേവിയുടെ കുടുംബാംഗങ്ങളാണ് എലികള്‍ എന്നാണ് വിശ്വസിക്കുന്നത്. ക്ഷേത്രത്തിലെ മാര്‍ബിളില്‍ തീര്‍ത്ത സങ്കീര്‍ണമായ കൊത്തുപണികളും വെള്ളിയില്‍ നിര്‍മിച്ച വാതിലുകളും പരമ്പരാഗത രാജസ്ഥാനി വാസ്തുവിദ്യ വിളിച്ചോതുന്നു. എലികളെ പൂജിക്കാനും ഭക്ഷണം നല്‍കാനുമായി ലോകമെമ്പാടുമുള്ള തീര്‍ത്ഥാടകര്‍ ഇവിടെ എത്തിച്ചേരുന്നു. വെളുത്തനിറമുള്ള എലിയെ കാണുന്നത് ശുഭകരമായി കണക്കാക്കപ്പെടുന്നു. ഈ എലിയെ കാണാന്‍ ഭാഗ്യം ലഭിച്ചവരെ ദൈവം അനുഗ്രഹിക്കുമെന്നും പറയപ്പെടുന്നു.

നരേന്ദ്ര മോദിക്ക് മുമ്പ് ഒരു പ്രധാനമന്ത്രിയും കര്‍ണിമാതാ ക്ഷേത്രം സന്ദര്‍ശിച്ചിട്ടില്ലെന്ന് സീതാദന്‍ വരത് ന്യൂസ് 18നോട് പറഞ്ഞു. ബിക്കാനീര്‍ നഗരത്തില്‍ നിന്ന് ഏകദേശം 30 കിലോമീറ്റര്‍ അകലെയായാണ് ഈ ക്ഷേത്രം സ്ഥിതി ചെയ്യുന്നത്. നരേന്ദ്ര മോദി മുമ്പും ഈ ക്ഷേത്രത്തില്‍ ദര്‍ശനം നടത്തിയിട്ടുണ്ട്.