War in Ukraine | യുക്രെയ്നില് കൊല്ലപ്പെട്ട ഇന്ത്യന് വിദ്യാര്ത്ഥിയുടെ മൃതദേഹം തിങ്കളാഴ്ച നാട്ടിലെത്തിക്കും
- Published by:Jayesh Krishnan
- news18-malayalam
Last Updated:
പുലര്ച്ചെ മൂന്നു മണിയോടെ നവീന്റെ ഭൗതികശരീരം ബെംഗളൂരുവിലെത്തും
ബെംഗളൂരു: യുക്രെയ്നില് കൊല്ലപ്പെട്ട ഇന്ത്യന് വിദ്യാര്ഥി നവീന് ശേഖരപ്പയുടെ മൃതദേഹം തിങ്കളാഴ്ച നാട്ടിലെത്തിക്കും. കര്ണാടക മുഖ്യമന്ത്രി ബസവരാജ് ബൊമ്മയാണ് ഇക്കാര്യം അറിയിച്ചത്. പുലര്ച്ചെ മൂന്നു മണിയോടെ നവീന്റെ ഭൗതികശരീരം ബെംഗളൂരുവിലെത്തും.
തുടര്ന്ന് ജന്മനാടായ ഹവേരിയിലേക്ക് കൊണ്ടുപോകും. നേരത്തെ ഞായറാഴ്ച മൃതദേഹം നാട്ടിലെത്തിക്കുമെന്നായിരുന്നു മുഖ്യമന്ത്രി ബസവരാജ് ട്വീറ്റ് ചെയ്തിരുന്നത്.
അന്ത്യകര്മങ്ങള്ക്കായി മകന്റെ മൃതദേഹം നാട്ടിലെത്തിക്കണമെന്ന് നവീന്റെ പിതാവ് ശേഖരപ്പ ജ്ഞാനഗൗഡ പ്രധാനമന്ത്രിയോടും മുഖ്യമന്ത്രിയോടും ആവശ്യപ്പെട്ടിരുന്നു. ഖാര്കിവ് (Kharkiv) നഗരത്തില് നടന്ന റഷ്യന് ഷെല്ലാക്രമണത്തിലാണ് നവീന് കൊല്ലപ്പെട്ടത്.
#UPDATE | Karnataka CM Basavaraj Bommai corrects his previous tweet & clarifies that the body of Naveen Shekarappa Gyanagoudarm, a final year medical student of Kharkiv Medical University who died in a shelling attack in #Ukraine, will be brought to Bengaluru airport on March 21. pic.twitter.com/EjLxRMaAJL
— ANI (@ANI) March 18, 2022
advertisement
നാലാം വര്ഷ മെഡിക്കല് വിദ്യാര്ഥിയാണ് നവീന്. അവശ്യസാധനങ്ങള് വാങ്ങാനായി സൂപ്പര്മാര്ക്കറ്റില് നവീന് ക്യൂ നില്ക്കുമ്പോഴാണ് ഷെല്ലാക്രമണമുണ്ടായത്.
കര്ണാടകയിലെ ഹവേരി ജില്ലയിലെ ചാലഗേരി സ്വദേശിയാണ് 21കാരനായ നവീന്. കൃഷിയില് നിന്നുള്ള വരുമാനം സ്വരൂപിച്ചും വായ്പയെടുത്തുമാണ് നവീനെ വിദേശത്ത് പഠനത്തിനയച്ചത്. പ്ലസ്ടുവിന് 97 ശതമാനം മാര്ക്ക് നേടിയ നവീന് സര്ക്കാര് മെഡിക്കല് കോളേജുകളില് പ്രവേശനം ലഭിച്ചിരുന്നില്ല.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Mar 18, 2022 9:49 PM IST
മലയാളം വാർത്തകൾ/ വാർത്ത/India/
War in Ukraine | യുക്രെയ്നില് കൊല്ലപ്പെട്ട ഇന്ത്യന് വിദ്യാര്ത്ഥിയുടെ മൃതദേഹം തിങ്കളാഴ്ച നാട്ടിലെത്തിക്കും
