'ഐ ലവ് യു' എന്ന് മാത്രം പറയുന്നത് ലൈംഗികാതിക്രമമല്ല; വൈകാരിക പ്രകടനമെന്ന് ബോംബെ ഹൈക്കോടതി

ഐ ലവ് യു എന്ന് പറയുന്നതിനപ്പുറം ഒരാളുടെ ലൈംഗിക ഉദ്ദേശം വ്യക്തമാക്കുന്ന രീതിയില്‍ മറ്റ് കാര്യങ്ങള്‍ കൂടി ഉണ്ടെങ്കില്‍ മാത്രമേ ഒരാള്‍ക്കെതിരെ ലൈംഗിക പീഡനത്തിലെ വകുപ്പുകള്‍ ഉള്‍പ്പെടുത്താന്‍ സാധിക്കുകയുള്ളു എന്നും കോടതി വ്യക്തമാക്കി. പോക്‌സോ നിയമപ്രകാരം നാഗ്പുര്‍ സെഷന്‍സ് കോടതി 35കാരന് മൂന്ന് വര്‍ഷം തടവ് വിധിച്ചിരുന്നു. സ്‌കൂള്‍ വിട്ട വരുന്ന 17 വയസുള്ള പെണ്‍കുട്ടിയെ കൈയില്‍ പിടിച്ചതിന് ശേഷമാണ് ഇയാള്‍ ഐ ലവ് യു എന്ന് പറഞ്ഞത്. സംഭവം കുട്ടി വീട്ടില്‍ പറയുകയും അച്ഛന്‍ പൊലീസില്‍ പരാതി നല്‍കുകയുമായിരുന്നു.