CBSE പന്ത്രണ്ടാം ക്ലാസ് പരീക്ഷാഫലം പ്രഖ്യാപിച്ചു
- Published by:Sneha Reghu
- news18-malayalam
Last Updated:
പരീക്ഷാ ഫലങ്ങൾ 12 മണിയോടെ സിബിഎസ്ഇയുടെ ഔദ്യോഗിക വെബ്സൈറ്റിൽ നിന്നും അറിയാൻ സാധിക്കും
ഡൽഹി: സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (സിബിഎസ്ഇ) 2025 ലെ പന്ത്രണ്ടാം ക്ലാസ് ബോർഡ് പരീക്ഷാ ഫലങ്ങൾ പ്രഖ്യാപിച്ചു. 88. 39 ആണ് വിജയശതമാനം. പരീക്ഷാ ഫലങ്ങൾ 12 മണിയോടെ സിബിഎസ്ഇയുടെ ഔദ്യോഗിക വെബ്സൈറ്റിൽ നിന്നും അറിയാൻ സാധിക്കും. വിവരങ്ങൾക്കായി സിബിഎസ്ഇയുടെ ഔദ്യോഗിക വെബ്‌സൈറ്റായ cbse.gov.in cbseresults.nic.in, results.cbse.nic.in എന്നിവ സന്ദർശിക്കാം.
ഇത്തവണ ഫലങ്ങൾ ഡിജി ലോക്കറിലും ഉമാങ് (UMANG) ആപ്പിലും ഫലം ലഭ്യമാണ്.
2025 സിബിഎസ്ഇ പ്ലസ് ടു ഫലം അറിയാൻ
∙ results.cbse.nic.in അല്ലെങ്കിൽ cbseresults.nic.in സന്ദർശിക്കുക
∙ “CBSE 10th Results 2025” അല്ലെങ്കിൽ “CBSE 12th Results 2025” എന്നതിൽ ക്ലിക്ക് ചെയ്യുക
∙ നിങ്ങളുടെ റോൾ നമ്പർ, ജനനത്തീയതി, സുരക്ഷാ പിൻ എന്നിവ നൽകുക
∙ ഫലം കാണുന്നതിന് 'enter' ക്ലിക്ക് ചെയ്യുക
∙ താത്കാലിക മാർക്ക് ഷീറ്റ് ഡൗൺലോഡ് ചെയ്ത് ഭാവി റഫറൻസിനായി പ്രിന്റൗട്ട് എടുക്കാം
advertisement
ഡിജിലോക്കർ ഉപയോഗിച്ച് വിദ്യാർത്ഥികൾക്ക് അവരുടെ സിബിഎസ്ഇ 12-ാം ക്ലാസ് ഡിജിറ്റൽ മാർക്ക്ഷീറ്റുകൾ അറിയാൻ കഴിയും. സിബിഎസ്ഇ വിഭാഗത്തിലേക്ക് പ്രവേശിക്കാനും ഫലത്തിന്റെ ഔദ്യോഗിക പകർപ്പ് ലഭിക്കുന്നതിനും നിങ്ങൾക്ക് ലോഗിൻ ഐഡി ഉണ്ടായിരിക്കണം.
കഴിഞ്ഞ വർഷത്തെ പന്ത്രണ്ടാം ക്ലാസ് വിജയശതമാനം 87.98 ശതമാനമായിരുന്നു. ഇത് 2023-നെകാൾ കൂടുതലാണ്. റിപ്പോർട്ടുകൾ പ്രകാരം, 2024 ലെ സിബിഎസ്ഇ പരീക്ഷയിൽ 99.91 ശതമാനം വിജയത്തോടെ തിരുവനന്തപുരം ആയിരുന്നു ഏറ്റവും ഉയർന്ന പ്രകടനം കാഴ്ചവച്ച ജില്ല.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
Delhi
First Published :
May 13, 2025 12:01 PM IST
