Zakir Hussain Narendra Modi|'സംഗീത ലോകത്ത് വിപ്ലവം സൃഷ്ടിച്ച യഥാർത്ഥ പ്രതിഭ'; സാക്കിർ ഹുസൈൻ്റെ മരണത്തിൽ പ്രധാനമന്ത്രി

അന്തരിച്ച തബല മാന്ത്രികൻ സാക്കീർ ഹുസൈൻ്റെ നിര്യാണത്തിൽ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി. സാക്കിർ ഹുസൈന്റെ വേർപാടിൽ അഗാധമായ ദുഃഖം രേഖപ്പെടുത്തുന്നു. ഇന്ത്യൻ ശാസ്ത്രീയ സംഗീത ലോകത്ത് വിപ്ലവം സൃഷ്ടിച്ച ഒരു യഥാർത്ഥ പ്രതിഭയായി അദ്ദേഹം ഓർമ്മിക്കപ്പെടുമെന്നും പ്രധാനമന്ത്രി ട്വിറ്ററിൽ കുറിച്ചു. കൂടാതെ അദ്ദേഹത്തിൻ്റെ ഐതിഹാസികമായ പ്രകടനങ്ങളും ആത്മാർത്ഥമായ രചനകളും സംഗീതജ്ഞരുടെയും സംഗീത പ്രേമികളുടെയും തലമുറകളെ ഒരുപോലെ പ്രചോദിപ്പിക്കുമെന്നും പ്രധാനമന്ത്രി കൂട്ടിച്ചേർത്തു.