ഋഷി കുമാര് ശുക്ല പുതിയ സിബിഐ ഡയറക്ടര്
Last Updated:
1984 ഐപിഎസ് ബാച്ചിലെ ഉദ്യോഗസ്ഥനാണ് ഋഷി കുമാര്
ന്യൂഡല്ഹി: ഐപിഎസ് ഉദ്യോഗസ്ഥനായ ഋഷി കുമാര് ശുക്ലയെ സിബിഐയുടെ പുതിയ ഡയറക്ടറായി തെരഞ്ഞെടുത്തു. പ്രധാനമന്ത്രി അധ്യക്ഷനായ സമിതിയുടേതാണ് തീരുമാനം. 1983 ഐപിഎസ് ബാച്ചിലെ ഉദ്യോഗസ്ഥനാണ് ഋഷി കുമാര് ശുക്ല. മധ്യപ്രദേശില് ഡിജിപിയായും ഇദ്ദേഹം സേവനമനുഷ്ഠിച്ചിട്ടുണ്ട്.
രണ്ടു വര്ഷത്തേക്കാണ് ശക്ലയുടെ നിയമനം. അലോക് വര്മയെ സിബിഐ സ്ഥാനത്ത് നിന്നു നീക്കിയതുമായി ബന്ധപ്പെട്ട വിവാദങ്ങള്ക്കുശേഷമാണ് സിബിഐ ഡയറക്ടറായി ഋഷി കുമാര് ശുക്ലയെത്തുന്നത്.
കോണ്ഗ്രസ് നേതാവ് മല്ലികാര്ജ്ജുന് ഖാര്ഗെയുടെ എതിര്പ്പുകളെ അവഗണിച്ചാണ് പുതിയ ഡയറക്ടറെ നിയമിച്ചിരിക്കുന്നത്. മുതിര്ന്ന ഐപിഎസ് ഉദ്യോഗസ്ഥരായ ജാവേദ് അഹമ്മദ്, രജനി കാന്ത് മിശ്ര, എസ്എസ് ദേശ്വാള് തുടങ്ങിയവരുടെ പേരുകളും പുതിയ ഡയറക്ടര് സ്ഥാനത്തേക്ക് ഉയര്ന്നു കേട്ടിരുന്നു. 1984 ഐപിഎസ് ബാച്ച് ഉദ്യോഗസ്ഥരാണ് ഇവരെല്ലാം.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
First Published :
February 02, 2019 5:43 PM IST
