തമിഴ്നാട് നിയമസഭ തിരഞ്ഞെടുപ്പ്; മുസ്ലീം ലീ​ഗ് നേതാക്കൾ സഖ്യകക്ഷിയായ SDPI ആസ്ഥാനം സന്ദർശിച്ചു

തിരഞ്ഞെടുപ്പ് പ്രചരണത്തെ കുറിച്ച് ചർച്ച ചെയ്യുന്നതിനും സഖ്യകക്ഷികളുടെ സഹകരണം ശക്തിമാക്കുന്നതുമായി ബന്ധപ്പെട്ടാണ് നേതാക്കളുടെ സന്ദർശനം. എസ്ഡിപിഐ സംസ്ഥാന പ്രസിഡന്റ് നെല്ലായ് മുബാറക് ലീഗ് നേതാക്കളെ പൊന്നാട അണിയിച്ച് സ്വീകരിച്ചു.

പാപനാശം മണ്ഡലത്തിൽ നിന്ന് ജനവിധി തേടുന്ന എ.എം ഷാജഹാൻ, വാണിയമ്പാടി സ്ഥാനാർഥി എസ്.എസ്.പി. സയ്യിദ് ഫാറൂഖ് എന്നിവരുമുണ്ടായിരുന്നു. വരുന്ന നിയമസഭ തിരഞ്ഞെടുപ്പിൽ എസ്‍ഡിപിഐയും മുസ്ലീം ലീ​ഗും ഒരേ മുന്നണിയുടെ ഭാ​ഗമായാണ് ഇത്തവണ മത്സരിക്കുന്നത്. തിരുവാരൂർ ജില്ലയിലെ നണ്ണിലം മണ്ഡലത്തിലാണ് എസ്ഡിപിഐ മത്സരിക്കുന്നത്.