വേങ്ങരയിൽ വോട്ട് ഷാജിക്കല്ല; സതീശന്; കോൺഗ്രസ് ഗ്രൂപ്പ് യോഗത്തിൽ വിമർശനം

മലപ്പുറം: വേങ്ങരയിലെ യു.ഡി.എഫ് സ്ഥാനാർത്ഥി കെ.എം. ഷാജിക്കെതിരെ കോൺഗ്രസിനുള്ളിൽ പ്രതിഷേധം ശക്തമാകുന്നു. കഴിഞ്ഞ ദിവസം ചേർന്ന കോൺഗ്രസ് ഗ്രൂപ്പ് യോഗത്തിൽ ഷാജിയുടെ സ്ഥാനാർത്ഥിത്വത്തിനെതിരെ കടുത്ത വിമർശനങ്ങളാണ് ഉയർന്നത്. കോൺഗ്രസ് പ്രവർത്തകരെയും പ്രസ്ഥാനത്തെയും നിരന്തരം പരിഹസിക്കുന്ന നിലപാട് സ്വീകരിക്കുന്ന ഷാജിക്ക് വോട്ട് ചെയ്യുന്നത് അദ്ദേഹത്തോടുള്ള താത്പര്യം കൊണ്ടല്ലെന്നും, മറിച്ച് മുന്നണി മര്യാദയുടെ പേരിലും പ്രതിപക്ഷ നേതാവ് വി.ഡി. സതീശന്റെ നേതൃത്വത്തെ ശക്തിപ്പെടുത്താൻ വേണ്ടിയുമാണെന്ന് യോഗം വിലയിരുത്തി.