നടി രശ്മിക മന്ദാന ബെലന്തൂർ തടാകത്തിൽ ഇറങ്ങിയത് എന്തിന്?

ബംഗളൂരുവിലെ ഏറ്റവും വലിയ തടാകമാണ് ബെലന്തൂർ. ഏറ്റവും മലിനമായതും. വികസനത്തിൽ മുന്നില്‍ എങ്കിലും മലിനമായ ജലസ്രോതസ്സുകൾ ബംഗളൂരുവിനെ പിറകോട്ടടിക്കുകയാണ്. അടുത്തിടെ തടാകത്തിന് തീ പിടിച്ചിരുന്നു. അത്രത്തോളം മാലിന്യമാണ് ഈ തടാകത്തിൽ എത്തുന്നത്. മാലിന്യം കുമിഞ്ഞ് കൂടിയിട്ടും തടാകത്തിന്റെ പുനരുജ്ജീവനത്തിനായി കാര്യമായ നടപടികൾ ഒ‌ന്നും ഉണ്ടാകുന്നില്ല. തടാകത്തിനു തീപിടിക്കുന്നതും പത പൊങ്ങി സോപ്പുകുമിളകൾ പോലെ തടാകം ഉയരുന്നതും ഇവിടെ പതിവാണ്. അത്ര മലിനമായ ആ തടാകത്തിലിറങ്ങി ജലമലിനീകരണത്തെക്കുറിച്ചു ബോധവൽക്കരിക്കുന്ന ഒരു ഫോട്ടോ ഷൂട്ട് ആണ് ഇപ്പോൾ ട്വിറ്ററിൽ ട്രെൻഡിങ്ങായിരിക്കുന്നത്.