• associate partner
HOME » NEWS » IPL » IPL 2020 SRH VS MI HYDERABAD WON AGAINST MUMBAI INDIANS

IPL 2020 SRH vs MI| ഹൈദരാബാദും പ്ലേഓഫിലേക്ക്; മുംബൈക്കെതിരെ പത്ത് വിക്കറ്റ് ജയം

ഹൈദരാബാദിന് വേണ്ടി ആദ്യം ബാറ്റിംഗിനിറങ്ങിയ ഡേവിഡ് വാര്‍ണറിന്റെയും വൃദ്ധിമാന്‍ സാഹയുടെയും കൂട്ടുകെട്ടാണ് ടീമിനെ വിജയത്തിലെത്തിച്ചത്

News18 Malayalam
Updated: November 3, 2020, 11:42 PM IST
IPL 2020 SRH vs MI| ഹൈദരാബാദും പ്ലേഓഫിലേക്ക്; മുംബൈക്കെതിരെ പത്ത് വിക്കറ്റ് ജയം
SRH vs MI
  • Share this:
അബുദാബി: ഇന്ത്യന്‍ പ്രീമിയര്‍ ലീഗിന്റെ പതിമൂന്നാം സീസണിലെ അവസാന ഗ്രൂപ്പ് മത്സരത്തില്‍ മുംബൈയ്ക്കെതിരെ സണ്‍റൈസേഴ്സ് ഹൈദരാബാദിന് പത്ത് വിക്കറ്റ് ജയം. ആദ്യം ബാറ്റിംഗിനിറങ്ങിയ മുംബയ് 20 ഓവറില്‍ എട്ട് വിക്കറ്റ് നഷ്ടത്തില്‍ 149 റണ്‍സ് നേടിയിരുന്നു. ഇത് പിന്തുടര്‍ന്ന ഹൈദരാബാദ് 17 ഓവറില്‍ 151 റണ്‍സ് നേടിയാണ് വിജയിച്ചത്.

ഹൈദരാബാദിന് വേണ്ടി ആദ്യം ബാറ്റിംഗിനിറങ്ങിയ ഡേവിഡ് വാര്‍ണറിന്റെയും വൃദ്ധിമാന്‍ സാഹയുടെയും കൂട്ടുകെട്ടാണ് ടീമിനെ വിജയത്തിലെത്തിച്ചത്. ഡേവിഡ് വാര്‍ണര്‍ 58 പന്തില്‍ 85 റണ്‍സും വൃദ്ധിമാന്‍ സാഹ 45 പന്തില്‍ 58 റണ്‍സും നേടി.

നിര്‍ണായക മത്സരത്തില്‍ മികവുറ്റ ബൗളിങ്ങ് പ്രകടനമാണ് ഹൈദരാബാദ് ബൗളര്‍മാര്‍ കാഴ്ചവെച്ചത്. രോഹിത് ശര്‍മ്മ (4), ക്വിന്റണ്‍ ഡികോക്ക് (25), സൂര്യകുമാര്‍ യാദവ് (36), ക്രുണാല്‍ പാണ്ഡ്യാ (0), സൗരഭ് തിവാരി (1) തുടങ്ങി മുംബൈയുടെ പ്രതീക്ഷകളെ ബൗളര്‍മാര്‍ എറിഞ്ഞൊതുക്കി. 30 പന്തില്‍ 33 റണ്‍സ് നേടിയ ഇഷാന്‍ കിഷനും, 25 പന്തില്‍ 41 റണ്‍സ് നേടിയ പൊള്ളാര്‍ഡും ചേര്‍ന്നാണ് മുംബൈക്ക് മോശമല്ലാത്ത സ്‌കോര്‍ സമ്മാനിച്ചത്.
Published by: user_49
First published: November 3, 2020, 11:41 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories