Local Body Elections 2020| പുനലൂരിൽ പട നയിക്കാൻ റാണി ഝാൻസി; 21 വയസ്സിൽ കന്നി അങ്കത്തിന്

സ്വതന്ത്രയായി മത്സരിക്കാനായിരുന്നു ആദ്യ തീരുമാനം. പിതാവ് ബിജെപി അനുഭാവി കൂടി ആയതോടെ പാർട്ടി ഔദ്യോഗിക ചിഹ്നം നൽകി മത്സരിപ്പിക്കാൻ തീരുമാനിച്ചു. പുനലൂർ പവർ ഹൗസ് വാർഡിലെ പവർ ആകാൻ തീരുമാനിച്ചുറച്ചാണ് റാണി ഝാൻസി എന്ന് 21കാരി  കന്നി അംഗം കുറിക്കുന്നത്.

പുനലൂർ ശ്രീനാരായണ കോളേജിൽ നിന്നാണ് ബിരുദം പൂർത്തിയാക്കിയത്. എൽഡിഎഫ്-ലെ പ്രിയ പിള്ളയും യുഡിഎഫ് ലെ ഇന്ദിരാ ഭായിക്കും ഒപ്പമാണ് ചരിത്ര നായികയുടെ പേരുമായി റാണി ഝാൻസി മത്സര രംഗത്ത് എത്തുന്നത്. പുനലൂർ എംഎൽഎ റോഡിൽ മേലേപറമ്പിൽ സുധീന്ദ്ര പ്രസാദിന്റേയും സിന്ദുവിന്റേയും മകളാണ് റാണി ഝാൻസി.