നടൻ സിദ്ദിഖ് ബലാത്സംഗ കേസിൽ അന്വേഷണ ഉദ്യോഗസ്ഥന് മുന്നിൽ ഹാജരായി; അറസ്റ്റ് രേഖപ്പെടുത്തുെമെന്ന് സൂചന
- Published by:Sneha Reghu
- news18-malayalam
Last Updated:
സുപ്രീം കോടതി കഴിഞ്ഞ മാസം സിദ്ദിഖിന് മുൻകൂർ ജാമ്യം അനുവദിച്ചിരുന്നു
തിരുവനന്തപുരം: ബലാത്സംഗ കേസിൽ നടൻ സിദ്ദിഖ് അന്വേഷണ ഉദ്യോഗസ്ഥന് മുന്നിൽ ഹാജരായി. തിരുവനന്തപുരം നർകോട്ടിക് സെൽ അസിസ്റ്റന്റ് കമ്മീഷണർക്ക് മുന്നിലാണ് ഹാജരായത്. മകൻ ഷഹീൻ സിദ്ദിഖിനൊപ്പമായിരുന്നു താരം സ്റ്റേഷനിലെത്തിയത്. പ്രധാനമായും സുപ്രീം കോടതി മുന്നോട്ടുവച്ച വ്യവസ്ഥകൾ പൂർത്തിയാക്കുന്നതിന് വേണ്ടി കൂടിയാണ് സിദ്ദിഖിനെ അന്വേഷണ സംഘം വിളിച്ചു വരുത്തിയത്.
സിദ്ദിഖിന്റെ അറസ്റ്റ് രേഖപ്പെടുത്തി കോടതിയിൽ ഹാജരാക്കുമെന്നാണ് സൂചന. അന്വേഷണ സംഘം ആവശ്യപ്പെട്ടിരുന്ന ഫോണോ മറ്റ് തെളിവുകളോ സിദ്ദിഖ് അന്വേഷണ സംഘത്തിന് കൈമാറിയിരുന്നില്ല. അതിനാൽ, വ്യക്തത കുറവുള്ള കാര്യങ്ങൾ പരിഹരിക്കുന്നതിന് കൂടിയാണ് അന്വേഷണ സംഘം വിളിപ്പിച്ചിരിക്കുന്നത്.
സുപ്രീം കോടതി കഴിഞ്ഞ മാസം സിദ്ദിഖിന് മുൻകൂർ ജാമ്യം അനുവദിച്ചിരുന്നു. നടി പരാതി നല്കാൻ എട്ടു കൊല്ലമെടുത്തു എന്നത് കണക്കിലെടുത്താണ് സുപ്രീംകോടതി കഴിഞ്ഞ മാസം ജാമ്യം നൽകിയത്. ജസ്റ്റിസ് ബേല എം ത്രിവേദി, ജസ്റ്റിസ് സതീഷ് ചന്ദ്ര മിശ്ര എന്നിവരുടെ ബഞ്ച് ഹ്രസ്വവാദം കേട്ട ശേഷമാണ് നടൻ സിദ്ദിഖിന് മുൻകൂർ ജാമ്യം അനുവദിച്ചത്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
December 06, 2024 11:36 AM IST
മലയാളം വാർത്തകൾ/ വാർത്ത/Kerala/
നടൻ സിദ്ദിഖ് ബലാത്സംഗ കേസിൽ അന്വേഷണ ഉദ്യോഗസ്ഥന് മുന്നിൽ ഹാജരായി; അറസ്റ്റ് രേഖപ്പെടുത്തുെമെന്ന് സൂചന
