തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ; മമിത ബൈജുവിന് വോട്ടില്ല

കോട്ടയം: ചുരുക്കം സിനിമയിലൂടെ എത്തി പ്രേക്ഷക ശ്രദ്ധ നേടിയ താരം മമിത ബൈജുവിന് വോട്ടില്ല. വോട്ട് പാഴാക്കരുതെന്ന സന്ദേശം പ്രചരിപ്പിക്കുന്ന തിരഞ്ഞെടുപ്പ് കമ്മിഷന്റെ സ്വീപ് യൂത്ത് ഐക്കണാണ് താരം. പക്ഷേ വോട്ടില്ല. ഇത്തവണ താരത്തിന്റെ കന്നിവോട്ടായിരുന്നു. വോട്ടർ പട്ടികയില്‍ പേരില്ലാത്തതാണ് പ്രശ്നമായത്. തിരഞ്ഞെടുപ്പിനു മുന്നോടിയായി കഴിഞ്ഞ ദിവസം പ്രവർത്തകര്‍ വീട്ടിൽ സ്ലിപ്പ് നൽകാൻ എത്തിയപ്പോഴാണ് വോട്ടർ പട്ടികയിൽ പേരില്ലെന്ന കാര്യം പിതാവ് ഡോ.ബൈജു അറിഞ്ഞത്. സിനിമയിലെ തിരക്കുകൾ വർദ്ധിച്ചതിനാലാണ് മകൾക്ക് വോട്ട് ഉറപ്പാക്കൻ കഴിയാതെ പോയതെന്നും അദ്ദേഹം പറഞ്ഞു.