കേരളത്തിലും തീവ്ര വോട്ടർ പട്ടിക പുതുക്കൽ; രാജ്യവ്യാപക SIR കേന്ദ്ര തിര‌ഞ്ഞെടുപ്പ് കമ്മീഷൻ അടുത്ത മാസം പ്രഖ്യാപിച്ചേക്കും

ന്യൂ‌ഡൽഹി: ബിഹാറിന് പിന്നാലെ കേരളത്തിലടക്കം തീവ്ര വോട്ടർ പട്ടിക പുതുക്കൽ (Special Intensive Revision- SIR) രാജ്യവ്യാപകമാക്കാൻ കേന്ദ്ര തിര‌ഞ്ഞെടുപ്പ് കമ്മീഷൻ. അടിസ്ഥാനപരമായ തയാറെടുപ്പുകൾ ഈ മാസം തന്നെ പൂർത്തിയാക്കി അടുത്തമാസം പുതുക്കൽ നടപടികൾ ആരംഭിക്കാനാണ് നീക്കം. വോട്ടർ പട്ടികയുടെ കൃത്യത ഉറപ്പാക്കാനാണ് ശ്രമമെന്ന് തിരഞ്ഞെടുപ്പ് കമ്മീഷൻ വൃത്തങ്ങൾ വ്യക്തമാക്കി. കേരളം, തമിഴ്നാട്, പശ്ചിമബംഗാൾ, അസാം, പുതുച്ചേരി എന്നിവിടങ്ങളിൽ അടുത്ത വർഷം നിയമസഭാ തിരഞ്ഞെടുപ്പ് നടക്കാനിരിക്കെയാണിത്.