തിരുവനന്തപുരത്ത് ഒരേ ദിശയില്‍ വന്ന ബൈക്കും സ്കൂട്ടറും കൂട്ടിയിടിച്ച് രണ്ട് മരണം

തിരുവനന്തപുരം: പുതുക്കുറിച്ചിയിൽ ബൈക്കും സ്കൂട്ടറും കൂട്ടിയിടിച്ച് രണ്ട് പേർ മരിച്ചു. വർക്കല സ്വദേശി രാഹുൽ (21), പുതുക്കുറിച്ചി സ്വദേശി നവാസ് (41) എന്നിവരാണ് മരിച്ചത്. പെരുമാതുറയിൽ നിന്ന് പുതുക്കുറിച്ചിയിലേക്ക് ഒരേ ദിശയിൽ പോവുകയായിരുന്ന വാഹനങ്ങളാണ് അപകടത്തിൽപ്പെട്ടത്. മുന്നിൽ പോയ സ്കൂട്ടർ പെട്ടെന്ന് വെട്ടിച്ചു മാറ്റിയപ്പോൾ, പിന്നാലെ അതിവേഗത്തിൽ വന്ന ബൈക്കുമായി കൂട്ടിയിടിക്കുകയായിരുന്നു. കഴിഞ്ഞ ദിവസം വൈകുന്നേരം നാല് മണിയോടെയായിരുന്നു അപകടം.