കൊച്ചിയിൽ വൻ ജ്വല്ലറി കവർച്ച; ലോക്കർ തകർത്ത് ഒന്നര കോടി രൂപയിലധികം വിലവരുന്ന ആഭരണങ്ങൾ കവർന്നു

സമീപമുള്ള സലൂണിന്റെ പുറകിലെ ഭിത്തി തുരന്നാണ് മോഷണ സംഘം ജ്വല്ലറിയിൽ കയറിയത്. ഗ്ലാസ് കട്ടർ ഉപയോഗിച്ച് ജ്വല്ലറിയുടെ ലോക്കർ പൊളിച്ചു മാറ്റി. ജ്വല്ലറിയിലെ  വൈദ്യുതി കണക്ഷനും കവർച്ച സംഘം വിച്ഛേദിച്ചു. 362 പവൻ സ്വർണത്തിന് പുറമേ 25 കിലോ വെള്ളിയും ഡയമണ്ട് മൂക്കുത്തികളും നഷ്ടമായി.

ഒന്നര കോടി രൂപയിലധികം വില വരുന്ന സ്വർണം നഷ്ടമായെന്നാണ് പ്രാഥമിക വിവരം. ജ്വല്ലറി ഉടമയായ വിജയകുമാരന്റേത് തന്നെ ആണ് സമീപമുള്ള സലൂണും. ഇന്നലെ രാത്രി ഏഴു മണി വരെ സലൂൺ  പ്രവർത്തിച്ചിരുന്നു.