'അനുമതിയില്ലാതെ പ്രകടനം' ഇടുക്കി ബാലൻപിള്ളസിറ്റിയിൽ 7 പോപ്പുലർ ഫ്രണ്ട് ക്യാമ്പസ് ഫ്രണ്ട് പ്രവർത്തകർക്കെതിരെ കേസ്
- Published by:Anuraj GR
- news18-malayalam
Last Updated:
രണ്ട് കുട്ടികൾ അടക്കം ഒൻപത് പേർ പ്രകടനത്തിൽ പങ്കെടുത്തതായാണ് വിവരം
ഇടുക്കി: ഇടുക്കി ബാലൻപിള്ളസിറ്റിയിൽ അനുമതിയില്ലാതെ പ്രകടനം നടത്തിയ 7 പോപ്പുലർ ഫ്രണ്ട് ക്യാമ്പസ് ഫ്രണ്ട് പ്രവർത്തകർക്കെതിരെ പൊലീസ് കേസ് എടുത്തു. ഇന്നലെ രാവിലെയാണ് ബാലൻപിള്ളസിറ്റിയിൽ, പോപ്പുലർ ഫ്രണ്ടിന് അനുകൂല മുദ്രാവാക്യം മുഴക്കി പ്രകടനം നടന്നത്. രണ്ട് കുട്ടികൾ അടക്കം ഒൻപത് പേർ പ്രകടനത്തിൽ പങ്കെടുത്തതായാണ് വിവരം. ഇവരിൽ ഏഴ് പേർക്കെതിരെയാണ് നെടുങ്കണ്ടം പോലീസ് കേസ് എടുത്തിരിക്കുന്നത്.
അനുമതിയില്ലാതെ സംഘം ചേരുക, പൊതുസ്ഥലത്ത് ഗതാഗതം തടസ്സപ്പെടുത്തുക, നാട്ടുകാരുടെ സ്വൈര്യ ജീവിതത്തിന് ഭംഗം വരുത്തുക തുടങ്ങിയ വകുപ്പുകൾ പ്രകാരമാണ് കേസ് എടുത്തത്. സംഘത്തിൽ കൂടുതൽ ആളുകൾ ഉൾപ്പെട്ടിട്ടുണ്ടോ എന്നത് സംബന്ധിച്ചും അന്വേഷിയ്ക്കും.
പോപ്പുലർ ഫ്രണ്ടിന്റെ കൊടികൾ ഉപയോഗിയ്കാതെ, അനുകൂല മുദ്രാവാക്യം മുഴക്കിയായിരുന്നു പ്രകടനം. ആർ എസ് എസിനെ തെരുവിൽ നേരിടുമെന്നും ഭീഷണി മുഴക്കിയിരുന്നു. പോപ്പുലർ ഫ്രണ്ടിന് സ്വാധിനമുള്ള ഇടുക്കിയിലെ അതിർത്തി മേഖലകൾ ശക്തമായ പോലീസ് നിരീക്ഷണത്തിലാണ്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Sep 29, 2022 10:52 AM IST
മലയാളം വാർത്തകൾ/ വാർത്ത/Kerala/
'അനുമതിയില്ലാതെ പ്രകടനം' ഇടുക്കി ബാലൻപിള്ളസിറ്റിയിൽ 7 പോപ്പുലർ ഫ്രണ്ട് ക്യാമ്പസ് ഫ്രണ്ട് പ്രവർത്തകർക്കെതിരെ കേസ്
