സര്ക്കാര്, എയ്ഡഡ് സ്കൂളുകളിലെ അധ്യാപക നിയമനങ്ങള്ക്കും സ്ഥാനക്കയറ്റങ്ങള്ക്കും കെ-ടെറ്റ് നിര്ബന്ധമാക്കി സര്ക്കാര് ഉത്തരവ്
- Published by:Nandu Krishnan
- news18-malayalam
Last Updated:
പുതിയ ഉത്തരവ് വന്നതോടെ ഉയർന്ന യോഗ്യതയുള്ളവർക്കും കെ-ടെറ്റ് നിർബന്ധമായി
സര്ക്കാര് – എയ്ഡഡ് സ്കൂളുകളിലെ അധ്യാപക നിയമനങ്ങള്ക്കും സ്ഥാനക്കയറ്റങ്ങള്ക്കും കെ-ടെറ്റ് നിര്ബന്ധമാക്കി പൊതുവിദ്യാഭ്യാസ വകുപ്പ് പുതിയ മാർഗ നിർദേശങ്ങൾ പുറപ്പെടുവിച്ചു. 2025 സെപ്റ്റംബർ ഒന്നിന് സുപ്രീം കോടതി പുറപ്പെടുവിച്ച വിധിയുടെ പശ്ചാത്തലത്തിലാണ് നടപടി.
പുതിയ ഉത്തരവ് വന്നതോടെ ഉയർന്ന യോഗ്യതയുള്ളവർക്കും കെ-ടെറ്റ് നിർബന്ധമായി.സെറ്റ്, നെറ്റ്, എംഫിൽ, പിഎച്ച്ഡി, എംഎഡ് എന്നീ ഉയർന്ന യോഗ്യതകൾ ഉള്ളവരെ കെ-ടെറ്റ് നേടുന്നതിൽ നിന്നും ഒഴിവാക്കുന്നതായിരുന്നു മുൻ ഉത്തരവ്. പുതിയ ഉത്തവോടെ ഉയർന്ന യോഗ്യതയുള്ളവർക്കും ഇനി അധ്യാപക തസ്തികകളിലേക്കും സ്ഥാനക്കയറ്റത്തിനും കെ-ടെറ്റ് യോഗ്യത വേണ്ടിവരും.
advertisement
ഹൈസ്കൂള് അധ്യാപകര്ക്ക് പ്രധാന അധ്യാപകരാകാനോ, ഹയര് സെക്കന്ഡറി വിഭാഗത്തിലേക്ക് ബൈട്രാന്സ്ഫര് നിയമനം ലഭിക്കാനോ ഇനി കെ-ടെറ്റ് കാറ്റഗറി മൂന്ന് നിര്ബന്ധമായിരിക്കും. എല്പി, യുപി അധ്യാപക നിയമനങ്ങള്ക്ക് കെ-ടെറ്റ് കാറ്റഗറി ഒന്ന്, രണ്ട് എന്നിവയില് ഏതെങ്കിലും ഒന്ന് വിജയിച്ചവരെ പരിഗണിക്കുന്നത് തുടരും. അതേസമയം ഹൈസ്കൂള് നിയമനങ്ങള്ക്ക് കാറ്റഗറി മൂന്ന് തന്നെ വേണം.
കേന്ദ്ര അധ്യാപക യോഗ്യതാ പരീക്ഷയായ സി ടെറ്റ് (CTET) വിജയിച്ചവര്ക്കുള്ള ഇളവ് തുടരും. സി-ടെറ്റ് പ്രൈമറി സ്റ്റേജ് വിജയിച്ചവരെ എല്പി നിയമനത്തിനും എലമെന്ററി സ്റ്റേജ് വിജയിച്ചവരെ യുപി നിയമനത്തിനും പരിഗണിക്കും. എച്ച്എസ്ടി/യുപിഎസ്ടി/എല്പിഎസ്ടി തസ്തികകളിലേക്കുള്ള ബൈട്രാന്സ്ഫര് നിയമനങ്ങള്ക്ക് അതാത് കാറ്റഗറിയിലെ കെ-ടെറ്റ് വിജയിച്ച അധ്യാപകരെ മാത്രമായിരിക്കും പരിഗണിക്കുക.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Jan 02, 2026 3:13 PM IST
മലയാളം വാർത്തകൾ/ വാർത്ത/Kerala/
സര്ക്കാര്, എയ്ഡഡ് സ്കൂളുകളിലെ അധ്യാപക നിയമനങ്ങള്ക്കും സ്ഥാനക്കയറ്റങ്ങള്ക്കും കെ-ടെറ്റ് നിര്ബന്ധമാക്കി സര്ക്കാര് ഉത്തരവ്
