Government vs Governor Live Updates|കണ്ണൂർ വി.സി പുനർനിയമനം: 'മുഖ്യമന്ത്രി കത്തയച്ചു, നേരിട്ട് രാജ്ഭവനിലെത്തി'; മൂന്ന് കത്തുകൾ പുറത്ത് വിട്ട് ഗവർണർ

'കണ്ണൂരിൽ 100 ൽ അധികം പൊലീസുകാരുടെ സാന്നിധ്യത്തിലാണ് അക്രമം നടന്നത്'

  • News18 Malayalam
  • | September 19, 2022, 14:13 IST
    facebookTwitterLinkedin
    LAST UPDATED 14 DAYS AGO

    AUTO-REFRESH

    HIGHLIGHTS

    13:27 (IST)

    എന്നെ കണ്ണൂരേക്ക് ക്ഷണിച്ച വൈസ് ചാൻസലർക്ക്  ഞാൻ ഒരു സുരക്ഷാ വിദഗ്ദ്ധൻ അല്ല എന്ന മറുപടി നൽകാൻ കഴിയും  

    13:21 (IST)

    നിയമത്തെ നോക്കുകുത്തിയാക്കുന്ന ബിൽ ഒപ്പിടില്ല.അതിൽ ഒരു തരിമ്പും സംശയം വേണ്ട 

    13:20 (IST)

    അഡ്വക്കേറ്റ് ജനറലിന്റെ ഉപദേശം ഉള്ളതുകൊണ്ട് കണ്ണൂർ സർവകലാശാല  വൈസ് ചാൻസലർ നിയമനത്തിൽ  മുഖ്യമന്ത്രിയുടെ ശിപാർശ സ്വീകരിച്ചു. അത് എന്റെ തെറ്റാണ്. പക്ഷെ മുഖ്യമന്ത്രി ജനാധിപത്യ രീതിയിൽ തെരഞ്ഞെടുക്കപ്പെട്ട ആളാണ്. അതിനാൽ അത് സ്വീകരിച്ചു. അത് എന്റെ തെറ്റായിരുന്നു എന്ന് എത്ര തവണ സമ്മതിക്കണം ?

    13:14 (IST)

    പൊതുമുതൽ കൊണ്ടുപോകാൻ പാർട്ടി അംഗങ്ങളെ പേഴ്സണൽ സ്റ്റാഫിൽ എടുക്കുന്നു. അഞ്ചു പേരെയാണ് ഗവർണർക്ക് അനുവാദം. കേന്ദ്രമന്ത്രിമാർക്ക് വരെ അത്രയേ പറ്റൂ. രാജ്യത്ത് വേറെ ഒരിടത്തും ഇത് പറ്റില്ല 

    13:11 (IST)

    ഇക്കാര്യം മുഖ്യമന്ത്രിയോട് ഞാൻ പറഞ്ഞു. ഗുരുവിന്റെ  പേരിലെ സർവകലാശാലയാണ്. അതിനാൽ അത് നിയമപരമാക്കണം എന്ന്. അങ്ങനെയാണ് ബിൽ വന്നത് 

    13:10 (IST)

    ബിൽ വേണം എന്ന് അവർ പറഞ്ഞു 

    13:9 (IST)

    ഞാൻ യുജിസി അധികൃതരോട് സംസാരിച്ചു. 

    13:8 (IST)

    ഓർഡിനൻസ് വഴിയാണ് ശ്രീ നാരായണ ഗുരു സർവകലാശാല കൊണ്ടുവന്നത് 

    13:8 (IST)

    നിയമ വിരുദ്ധത നിയമമാക്കാൻ എന്നെ കിട്ടില്ല 

    13:6 (IST)

    ഈ കളിയൊന്നും എന്നോട് വേണ്ട . ഞാൻ ഇതൊക്കെ ഒരു പാട് കണ്ടതാണ് 

    തിരുവനന്തപുരം: കണ്ണൂർ സർവകലാശാല വൈസ് ചാൻസലറായി ഗോപിനാഥ് രവീന്ദ്രൻ്റെ പുനർ നിയമനം ഉറപ്പാക്കിയത് തന്നെ സമ്മർദ്ദത്തിലാക്കിയാണെന്നും ഗവർണർ ആരിഫ് മുഹമ്മദ് ഖാൻ ആരോപിച്ചു. 'തനിക്കെതിരെ ആക്രമണം ഉണ്ടായപ്പോൾ മുഖ്യമന്ത്രിയുടെ ഓഫീസിൽ ജോലി ചെയ്യുന്ന ഉന്നതൻ പോലീസിനെ തടയാൻ ശ്രമിച്ചെന്ന ആരോപണവും ഗവർണർ ഉന്നയിച്ചു. കെ കെ രാഗേഷിനെതിരെയാണ് ഗവർണർ ആരോപണം ഉന്നയിച്ചത്.  രാജ്ഭവനിൽ നടത്തിയ വാർത്താസമ്മേളനത്തിലാണ് ഗവർണർ ഇക്കാര്യം ഉന്നയിച്ചത്. വി സി നിയമനവുമായി ബന്ധപ്പെട്ട് ഡിസംബർ  എട്ടിന് നൽകിയ കത്ത് ഗവർണർ പുറത്തുവിട്ടു. ചാൻസലർ പദവിയിൽ നിന്ന് ഒഴിവാക്കണമെന്ന് ആവശ്യപ്പെട്ടു. മുഖ്യമന്ത്രി രാജ്ഭവനിൽ നേരിട്ടെത്തി. ഗോപിനാഥ് രവീന്ദ്രനെ നിയമിക്കണമെന്ന് ആവശ്യപ്പെട്ടതായി ഗവർണർ പറഞ്ഞു. എന്നിട്ടും നടപടിക്രമങ്ങൾ ഒഴിവാക്കാനുള്ള ശ്രമം നടന്നതായി ഗവർണർ ആരോപിച്ചു. ഇർഫാൻ ഹബീബിനെ ഗുണ്ടയെന്ന് വിളിച്ചതിനെ ന്യായീകരിച്ച്‌ ഗവർണർ. ഇർഫാൻ ഹബീബ് ഉത്തർപ്രദേശിൽ ഇതു ചെയ്യില്ല. ചെയ്താൽ എന്തുണ്ടാകുമെന്ന് അറിയാം. ഇവിടെ സർക്കാരിൽ അദ്ദേഹത്തിന് ക്യാംപ് ഫോളോവർമാരുണ്ടെന്നും ഗവർണർ ആരോപിച്ചു.

    സെക്ഷൻ 124 IPC പ്രകാരം ഗവർണർക്കെതിരേയുള്ള കൈയേറ്റ ശ്രമം ക്രിമിനൽ കുറ്റമാണ്. ഏഴു വർഷം വരെ ശിക്ഷ കിട്ടാവുന്ന കുറ്റം. ഇതു വരെ നടപടിയുണ്ടായില്ല. കണ്ണൂരിൽ 100 ൽ അധികം പൊലീസുകാരുടെ സാന്നിധ്യത്തിലാണ് അക്രമം നടന്നത്. പൊലീസ് അതു തടയാൻ ശ്രമിച്ചു. എന്നാൽ കെ കെ രാഗേഷ് പൊലീസിനെ തടഞ്ഞുവെന്നും ഗവർണർ ആരോപിച്ചു.

    ഇർഫാൻ ഹബീബ് അനുവദിച്ചതിലും കൂടുതൽ സമയം സംസാരിച്ചതായി ഗവർണർ പറഞ്ഞു. 'വിഷയത്തിൽ ഊന്നിയല്ല ഇർഫാൻ ഹബീബ് സംസാരിച്ചത്. സി ഐ എ യെ കുറിച്ചാണ് സംസാരിച്ചത്. ഓരോ തവണയും എന്നെ നോക്കി. ഞാൻ പ്രതികരിക്കണമെന്ന് അവർ പറയുകയായിരുന്നു. 95 മിനിട്ട് എനിക്ക് കാത്തിരിക്കേണ്ടി വന്നു'- ഗവർണർ വാർത്താസമ്മേളനത്തിൽ പറഞ്ഞു. കണ്ണൂർ ചരിത്ര കോൺഗ്രസിനിടെയുള്ള വീഡിയോ ദൃശ്യം വാർത്താസമ്മേളനത്തിനിടെ പ്രദർശിപ്പിക്കുകയും ചെയ്തു.

    തത്സമയവിവരങ്ങൾ ചുവടെ...