Kerala Assembly Election Result Live | 'ആചാര ലംഘനം' നടത്തി കേരളം; ചരിത്ര വിജയനായി ക്യാപ്റ്റൻ; LDF 99, UDF 41, NDA 0
- Published by:Anuraj GR
- news18-malayalam
Last Updated:
Kerala | കേരള നിയമസഭാ തെരഞ്ഞെടുപ്പ് 2021 Kerala Election Reusults 2021 Live | 140 നിയമസഭാ മണ്ഡലങ്ങളിലേക്കുള്ള വോട്ടെണ്ണൽ രാവിലെ എട്ടു മണി മുതലാണ് തുടങ്ങിയത്.
തിരുവനന്തപുരം: സംസ്ഥാനത്ത് ഭരണത്തുടർച്ചയോ, അതോ ഭരണമാറ്റമോ? നിയമസഭ തെരഞ്ഞെടുപ്പിന്റെ വോട്ടെണ്ണൽ ഏഴ് മണിക്കൂർ പിന്നിടുമ്പോൾ LDF 99, UDF 41, NDA 0 എന്നിങ്ങനെയാണ് ലീഡ് നില. തെക്കൻ കേരളത്തിലും മധ്യകേരളത്തിലും ഇടതുപക്ഷത്തിന് വൻ മുന്നേറ്റം. വിവിധ മണ്ഡലങ്ങളിലെ സ്ട്രോങ് റൂമുകൾ രാവിലെ ഏഴു മണിയോടെ തുറന്നു. 140 മണ്ഡലങ്ങളിലായി 957 സ്ഥാനാര്ഥികളാണ് ജനവിധി തേടിയത്. ഏപ്രില് ആറിന് നടന്ന വോട്ടെടുപ്പില് 74.06 ആണ് പോളിങ് ശതമാനം. 2.74 കോടി വോട്ടര്മാരില് 2.03 കോടി പേരാണ് സമ്മതിദാനാവകാശം വിനിയോഗിച്ചത്.
ഒരു മാസത്തോളം നീണ്ട കാത്തിരിപ്പിനാണ് വോട്ടെണ്ണൽ തുടങ്ങുന്നതോടെ അവസാനമായത്. ഭരണതുടര്ച്ചയെന്ന് ഇടതും ഭരണമാറ്റമെന്ന് യു.ഡി.എഫും തികഞ്ഞ ആത്മവിശ്വസത്തിലാണ്. തൂക്കുസഭ വരുമെന്നും നിർണായക ശക്തിയാകാമെന്നുമുള്ള പ്രതീക്ഷയിലാണ് ബി.ജെ.പിയും.
കഴിഞ്ഞ ദിവസം പുറത്തുവന്ന എക്സിറ്റ് പോളുകള് എൽഡിഎഫിന്റെ ആത്മവിശ്വാസം വർദ്ധിപ്പിച്ചു. എന്നാൽ സർവേകളും എക്സിറ്റ് പോളുകളും തള്ളിക്കളഞ്ഞ യുഡിഎഫും കടുത്ത ആത്മവിശ്വാസത്തിലാണ്. സര്വേകള് തള്ളുന്ന യു.ഡി.എഫ് ഭരണമാറ്റം വരുമെന്ന ഉറച്ച വിശ്വാസത്തിലാണ്.
ആദ്യ തപാൽ വോട്ടുകളാണ് എണ്ണുന്നത്. കോവിഡ് മാനദണ്ഡങ്ങള് പാലിച്ചാകും എണ്ണല്. പതിവിൽനിന്ന് വ്യത്യസ്തമായി ഇത്തവണ തപാൽ വോട്ടുകൾ കൂടുതലായതിനാൽ യന്ത്രത്തിലെ വോട്ടെണ്ണൽ തുടങ്ങാൻ വൈകും. ആദ്യ ഫലസൂചന ലഭിക്കാൻ പത്തുമണിയോളം ആകുമെന്ന് കഴിഞ്ഞ ദിവസം ടിക്കാറാം മീണ പറഞ്ഞിരുന്നു. തെരഞ്ഞെടുപ്പ് ഫലത്തിന്റെ ഏകദേശ ചിത്രം ലഭിക്കാൻ വൈകുന്നേരം അഞ്ചു മണിയാകുമെന്നും അദ്ദേഹം വ്യക്തമാക്കിയിരുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 02, 2021 6:14 AM IST
മലയാളം വാർത്തകൾ/ വാർത്ത/Kerala/
Kerala Assembly Election Result Live | 'ആചാര ലംഘനം' നടത്തി കേരളം; ചരിത്ര വിജയനായി ക്യാപ്റ്റൻ; LDF 99, UDF 41, NDA 0
