ഫിറ്റ്നസ് ട്രെയിനറായ യുവതിയെ കുത്തിയശേഷം എലിവിഷം കഴിച്ച് ജീവനൊടുക്കാൻ ശ്രമിച്ച യുവാവ് പിടിയിൽ

പത്തു മണിയോടെ ഇരുചക്രവാഹനത്തില്‍ സ്ഥലത്തെത്തിയ അശ്വന്ത് ജിമ്മില്‍ ആരും ഇല്ലെന്ന് ഉറപ്പാക്കിയ ശേഷം അകത്തുകയറി കാവ്യയെ ആക്രമിക്കുകയായിരുന്നു. തിരഞ്ഞെടുപ്പ് പ്രചാരണത്തിനു ജിമ്മില്‍ എത്തിയ രാഷ്ട്രീയ പ്രവര്‍ത്തകരാണ് കാവ്യയെ രക്തത്തില്‍ കുളിച്ച നിലയില്‍ കണ്ടെത്തിയത്. തുടര്‍ന്ന് ഇവര്‍ പൊലീസില്‍ വിവരം അറിയിക്കുകയും ആംബുലന്‍സ് വിളിച്ച് കാവ്യയെ ആശുപത്രിയിലേക്കു കൊണ്ടുപോകുകയുമായിരുന്നു.

കാവ്യയെ തീവ്രപരിചരണ വിഭാഗത്തില്‍ പ്രവേശിപ്പിച്ചു. ജിമ്മില്‍നിന്ന് പോലീസ് കസ്റ്റഡിയില്‍ എടുത്ത അശ്വന്ത് താന്‍ എലിവിഷം കഴിച്ചിട്ടുണ്ടെന്ന് പറഞ്ഞതിനെ തുടര്‍ന്ന് മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയി. അശ്വന്തിന് കാവ്യയോടുള്ള വൈരാഗ്യത്തിന്റെ കാരണം അന്വേഷിക്കുകയാണെന്ന് പാറശാല പോലീസ് പറഞ്ഞു.

Summary: A 20-year-old female fitness trainer was brutally stabbed by a young man at a gym in Parassala, Thiruvananthapuram, on Monday morning. Following the attack, the assailant attempted to end his life by consuming rat poison. The incident occurred around 10:00 AM at a gym in Plamootukada. The accused, identified as Ashwanth, arrived at the gym on a two-wheeler. After ensuring that no one else was present, he entered the premises and stabbed the trainer, Kavya, in her chest and the back of her head.